இங்கிலீஷ் விங்கிலீஷ் பார்ட் 2

ஒரு படம் ஹிட்டானால் பார்ட் 2 பார்ட் 3,4,5 என்று அதை கழுவி ஊத்தாமல் ஹாலிவுட்காரர்களுக்கு தூக்கம் வராது. இந்த வியாதி பாலிவுட்டையும் தொற்றியிருக்கிறது. கோல்மால், ஹவுஸ்ஃபுல், இப்போது அக்ஷயின் கிலாடி, சல்மானின் தபாங்... என்று கழுவி ஊத்துற வேலையில் பரபரப்பாக இருக்கிறது பாலிவுட். இதில் ஏன் கௌரி ஷிண்டேயும் சேர்கிறார் என்றுதான் தெரியவில்லை.

இங்கிலீஷ் விங்கிலீஷ் ஒரு டீசன்டான படம், டீசன்டான ஹிட். அதன் எளிமையே அதன் வலிமை. அதை அத்தோடு விட்டுவிடாமல் முறுக்கிப் பிழிந்து இரண்டாம்பாக சாறு எடுக்க தயாராகிவிட்டார். இப்போதைய பிரச்சனை ஸ்ரீதேவி.

ஸ்ரீதேவியும் அவரது அற்புதமான நடிப்பும் இல்லாவிட்டால் உப்பில்லாத கறிக்குழம்பாகியிருக்கும் படம். அதனால் இரண்டாவது பாகத்திலும் மயிலுதான் வேண்டும் என்று அடம்பிடிக்கிறார் கௌரி. கிடைத்த நற்பெயருடன் டாட்டா காட்டாமல் வீணாக இரண்டாம் பாகத்தில் தலையை கொடுக்க வேண்டுமா என்று யோசிக்கிறார் ஸ்ரீதேவி. இந்த தத்தளிப்புக்கு நடுவில் இரண்டாம் பாக முயற்சி மூழ்கினால் கௌரி, ஸ்ரீதேவியுடன் ரசிகர்களும் பிழைத்தார்கள். இல்லையெனில்...

வேறென்ன... அதையும் பார்த்து விமர்சனம் எழுத வேண்டியதுதான்.