பிந்து சாக‌ரின் ஐஏஎஸ் பிளான்

பிந்து சாகர் என்றால் தெ‌ரியாது... பிந்து மாதவி என்றால் வெப்பம், கழுகு படங்களில் நடித்தவரா என்று உடனே அடையாளம் கண்டு கொள்வார்கள். பிந்து மாதவியின் பெய‌ரில் மாதவிக்குப் பதில் ஒட்டியிருக்கும் சாகர் சமீபத்தில் இறந்துபோன பிந்து மாதவியின் அண்ணனின் பெயர். அண்ணனின் நினைவாக அவரது பெயரை தனது பெயருடன் சேர்த்திருக்கிறார்.

பிந்து மாதவி... (இனி பிந்து சாகர்....) ‌-ன் அண்ணன் ஐஏஎஸ் தேர்வுக்கு படித்துக் கொண்டிருந்த வேளையில் மாரடைப்பால் மரணமடைந்தார். அதனால் அண்ணன் பெய‌ரில் கல்வி அறக்கட்டளை ஒன்றைத் தொடங்கி ஏழைக் குழந்தைகளுக்கு கல்வி கிடைக்க வழி செய்திருக்கிறார் பிந்து சாகர். முதல்கட்டமாக பத்து குழந்தைகளுக்கான கல்விச் செலவை ஏற்றுக் கொண்டிருக்கிறார்.

ஏழை மாணவர்களை ஐஏஎஸ் ஆக்க வேண்டும் என்ற கனவுடன் இந்த அறக்கட்டளையை பிந்து சாகர் தொடங்கியிருக்கிறார்.

நல்ல மனம்... நல்ல முயற்சி... நம் வாழ்த்துகள்.
பிந்து மாதவி, பிந்து சாகர்