சர்ச்சையில் இசை

எஸ்.ஜே.சூர்யாவின் நீண்ட கால இயக்கமாக தயாராகி வரும் படம் இசை. இப்படத்திற்கு இசையமைப்பவரும் சூர்யாதான்.

கதை பற்றிய ரகசியம் கொஞ்சம் கொஞ்சமாக கசிய ஆரம்பித்திருக்கிறது.ஒரு மூத்த இசையமைப்பாளரிடம் உதவியாளராக இருந்தவர், பிற்காலத்தில் குருவை மிஞ்சிய சிஷ்யனாகி, மாபெரும் விருதுகள் வாங்குவதாக கதை.

இந்த விஷயம் அப்படியே இளையராஜா, ஏ.ஆர்.ரகுமானுக்கு பொருத்தமாக இருப்பதாக சொல்கின்றனர் விபரம் தெரிந்தவர்கள். ஆனால் இதை முற்றிலுமாக மறுக்கிறார் சூர்யா. இசையில் இருக்கும் குரு சிஷ்யனின் கதைதானேத் தவிர, இளையராஜாவையோ, ரகுமானையோ மனதில் வைத்து உருவாக்கப்பட்ட கதையல்ல என்று அடித்துக் கூறுகிறார்.