விஜய் படத்தின் பெயர் தலைவா

அ‌‌ஜீத் படத்தைப் போலவே விஜய் படத்துக்கும் பெயர் குழப்பம். ஆனால் வேறு மாதி‌ரி. இவர்கள் விருப்பப்பட்ட தலைவன் பெயரை ஏற்கனவே சசிகலாவின் உறவினர் பாஸ் (என்கிற பாஸ்கரன்) தனது படத்துக்கு வைத்திருக்கிறார்.

தங்கமகன் பெயரை தேர்வு செய்து என்ன காரணத்தினாலோ அதையும் உதறினர். இப்போது தலைவா என்ற பெயரை தேர்வு செய்திருப்பதாக கேள்வி. சம்பந்தமே இல்லாத கள்ளத்துப்பாக்கிக்காக துப்பாக்கி ஒன்பது வாரங்கள் கோர்ட்டில் மல்லுக்கட்டியது. தலைவனுக்கும் தலைவாவுக்கும் ஆறு என்ன மூன்று வித்தியாசங்கள்கூட இல்லை. எப்படி சமாளிக்கப் போகிறார்களோ.

ஏ.எல்.விஜய் இயக்கும் இந்தப் படத்தில் விஜய் ஜோடியாக அமலா பால் நடிக்கிறார். ‌ஜி.வி.பிரகாஷ் இசை. மும்பையில் படப்பிடிப்பை தொடங்கியவர்கள் விரைவில் வெளிநாட்டுக்கு செல்லவிருக்கிறார்கள்.

தலைவாவும் தற்காலிகப் பெயராக இருக்க அதிக சாத்தியமுள்ளது.
விஜய் படம் தலைவா, அமலா பால்