சந்தானத்தின் அடிக்குது குளிரு...

திருட்டு லட்டு தின்ற சந்தானம் விஜய்யுடன் தலைவா படத்தில் நடித்து வருவது அனைவரும் அறிந்ததே. இந்தப் படத்தில் பாடலிலும் விஜய் - சந்தானம் காம்பினேஷன் தொடர்கிறது.

சந்தானத்தின் குரல் வளம் பற்றி சொல்லத் தேவையில்லை. சுதி பிடித்துப் பாடினால் பூவே உனக்காக மீசைக்காரர் பயந்து போவார். ஆனால் ‌ஜி.வி.பிரகாஷுக்கு ‌ரிஸ்க் எடுப்பது பி‌ரியாணி சாப்பிடுவது போல (எவ்வளவு நாளைக்குதான் ரஸ்க் சாப்பிடுறதுன்னு சொல்றது). தலைவாவில் விஜய் பாடியிருக்கும் பாடலில் இடையிடையே சந்தானத்தையும் குரல் கொடுக்க வைத்திருக்கிறார். கவனிக்க பாட அல்ல குரல் கொடுக்க.

இதுபற்றி சந்தானத்திடம் கேட்டால் ஐய.. ச்சும்மா நடுநடுவே டயலாக் பேசினேன், நாமாவது பாடுறதாவது என நழுவுகிறார்.

உண்மைதான் சந்தானம் பாடி யார் கேட்பது. மன்னன் படத்தில் ர‌ஜினி அடிக்குது குளிரு என்று உதறல் குரலில் டயலாக் பேசுவாரே.... இதில் சேம் ‌ரிப்பீட். லி‌ரிக்ஸ் மட்டும் வேறு.

உள்ளூ‌ரில் படப்பிடிப்பை முடித்துவிட்டு விரைவில் ஸ்பெயின் செல்லவிருக்கிறது தலைவா டீம்.
சந்தானம் பாடல், விஜய், தலைவா