குடிக்கத் தடை போட்ட இயக்குனர்

இந்தப் படத்துக்குப் பின்னால் நான் யார், என் திறமை என்ன என்பதை சினிமா உலகம் புரிந்துகொள்ளும் என்கிறார் ‘பரதேசி’ படத்தின் நாயகி தன்ஷிகா.

ஆரம்பத்தில் இயக்குனர் பாலா சாரிடம் பேசவே பயந்தேன். எங்கே ஏதேனும் தப்பு பண்ணி திட்டு வாங்குவேனோ என நினைத்தேன். ஆனால் அவர் என்னிடம் மட்டுமல்ல யூனிட்டில் உள்ள அனைவரிடமும் அன்பாக நடந்துகொண்டார்.

ஷூட்டிங் நேரம் போக மற்ற நேரங்களில் சகஜமாகப் பேசி கலகலப்பாக இருப்பார். ‘பரதேசி’ வாழ்க்கையை தொலைத்த மக்களின் கதை என்பதால்... வெயிலுக்காக குடைபிடிப்பது.

நேர நேரத்திற்கு ஜூஸ் குடிப்பது போன்ற முகத்தை மென்மையாக்குகிற எந்த விதமான ஆடம்பரங்களும் வேண்டாம் என்றதோடு, பனியால் காய்ந்து போகும் உதட்டுக்கு ஆயில்மெண்டு கூட தடவக்கூடாது என தடா போட்டுவிட்டார். இதன் மூலம் அவரின் ஒவ்வொரு காட்சிக்கும் எடுத்துக் கொண்ட சின்சியரைப் புரிந்து கொண்டேன். பாலா தி கிரேட்.