மலிவு விலையில் விஸ்வரூபம் திருட்டு டிவிடி

இன்று விஸ்வரூபம் ரிலீஸ். ஒரு திரைப்படத்துக்கு எந்தெந்த வகையில் தடைகள் வருமோ அவை அனைத்தையும் இந்த ஒரு படத்துக்காக கமல் சந்தித்தார். உலகில் வேறு எந்தப் பகுதியிலும் எடிட் செய்யப்படாத இந்தப் படம் தமிழகத்தில் மட்டும் சிலரின், படத்தை உயிரை கொடுத்தாவது தடுப்போம் என்ற மிரட்டலின் காரணமாக எடிட் செய்யப்பட்டு வெளியாகிறது.

இன்று படம் வெளியாகும் நிலையில் நேற்றே படத்தின் எடிட் செய்யப்பாத வெர்சனின் திருட்டு டிவிடி யை பத்து ரூபாய்க்கும், பதினைந்து ரூபாய்க்கும் பல பகுதிகளில் விற்று வருகின்றனர். மற்ற திருட்டு டிவிடி களை 30 ரூபாய்க்கும் அதற்கும் மேலும் விலை வைத்து விற்கும் போது விஸ்வரூபத்தை மட்டும் பட ரிலீஸுக்கு முன்பே குறைந்த விலையில் விற்பது படத்தை ஓடவிடக் கூடாது என்ற தீய எண்ணத்தின் நோக்கம் என்பது தௌpவு.

சென்னை மற்றும் புறநகரில் மட்டும் இப்படம் 50 க்கும் அதிகமான திரையரங்குகளில் வெளியாகிறது. தமிழகம் முழுவதும் ஐநுhறுக்கும் அதிகமான திரையரங்குகள். முதல் மூன்று தினங்களில் இப்படம் மிகப்பெரிய வசூலை எட்டும் என்பது அனைத்துத் தரப்பினரின் அசைக்க முடியாத நம்பிக்கை. சென்னையில் மூன்று தினங்களில் மூன்று கோடியை வசூலிக்கும் என எதிர்பார்க்கப்படுகிறது.