கும்கிக்குப் பிறகு காக்கி

சிலருக்குதான் அடுத்தடுத்து அம்சமான படங்களாக அமையும். அன்னை இல்லத்தின் வாரிசுக்கு அப்படியொரு அதிர்ஷ்டம்.

கும்கியில் அறிமுகமான விக்ரம் பிரபு சரவணனின் இவன் வேற மாதிரி படத்தில் நடித்துக் கொண்டிருக்கும் போதே கவுரவ் இயக்கும் சிகரம் தொடு படத்தில் கமிட்டாகியிருக்கிறார்.

இந்த இரு படங்களும் ஆக்ஷனை மையமாக வைத்து தயாராகின்றன. இதில் சிகரம் தொடு படத்தில் விக்ரம் பிரபுக்கு போலீஸ் வேடம்.

சாதாரணமாக இளம் அறிமுக நடிகர்களுக்கு காக்கி ட்ரெஸ்ஸெல்லாம் சுலபத்தில் கிடைக்காது. அம்மாஞ்சி முகத்துக்கு கஞ்சி போட்ட உடுப்பு எதற்கு என இயக்குனர்களே தவிர்த்துவிடுவார்கள். விக்ரம் பிரபு விஷயம் வேறு. ஹைட்டும் வெயிட்டுமாக காக்கி உடுப்புக்கேத்த உடம்பு. உடனே போலீஸ் ட்ரெஸ்ஸை மாட்டிவிட்டார்கள்.

இந்த இரு படங்களுக்குப் பிறகு முன்னணி இளம் நடிகர்களுக்கு இன்னொரு சவாலாக விக்ரம் பிரபு மாறிவிடுவார் என்பதை மட்டும் உறுதியாக சொல்லலாம்.