மீண்டும் 16 வயதினிலே

வீணாய்ப் போன படங்களை ரீமேக் செய்கிறார்கள். 16 வயதினிலே போன்ற படங்களை யாரும் சீண்டுவதேயில்லை. 16 வயதினிலே சப்பாணி, மயிலை மறுஉருவாக்கம் செய்யக் கூடிய திறமைசாலி இயக்குனரோ, நடிகர், நடிகைகளோ இப்போது இல்லை என்பதே நிதர்சனம். அந்தவகையில் 16 வயதினிலேயை ரீமேக் செய்யாமலிருப்பதே அப்படத்துக்கு கௌரவம்.

1977 ல் வெளியாகி தமிழ் திரையில் புதிய சகாப்தத்தை தொடங்கிவைத்த இந்த காவியத்தை டிடிஎஸ், டிஜிட்டல் தொழில்நுட்பத்தில் மெருகேற்றி விரைவில் வெளியிடுகிறார்கள். இதற்கான வேலைகள் அமெரிக்காவில் நடந்தன. நேற்று மேம்படுத்தப்பட் பிரதி பாரதிராஜா, பாக்யராஜ் இருவரிடமும் ஒப்படைக்கப்பட்டது.

கோடை விடுமுறையில் இந்த செலுலாயிட் காவியத்தை வெளியிட உள்ளனர்.
16 வயதினிலே, ஸ்ரீதேவி, கமலஹாசன், ரஜினிகாந்த்