இரத்தக் கொதிப்பும் சிறுநீரகமும்

இரத்தக் கொதிப்பும் உடல்
பாதிப்புகளும் பற்றி கடந்த பகுதியில் பார்த்தோம். இந்த பகுதியின் இரத்தக்
கொதிப்பும் சிறுநீரகமும் என்பது பற்றி பார்க்கலாம்.

தஞ்சை
மருத்துவக் கல்லூரியின் சிறுநீரகத் துறை தலைவரும், பேராசிரியருமான
மருத்துவர் மரு.நா.மோகன்தாஸ் "இரத்தக் கொதிப்பும் சிறுநீரகமும்" என்பது
பற்றி இதோ விளக்குகிறார்.

* உடலிலுள்ள உறுப்புகளில் முக்கியமானது சிறுநீரகம். இதனை உலகிலுள்ள மிகச்சிறந்த சுத்திகரிப்பு உபகரணம் என்று தான் சொல்ல வேண்டும்.
* உடலின் பிற உறுப்புகள் முறையாக செயலாற்றக் கூடிய அகச்சூழலை உருவாக்குவதும்,
* உடலின் தண்ணீர் தேவையினை ஒழுங்கு படுத்தி உடலை சமநிலையில் பராமரிப்பதும்,
* எலும்பு வளர்ச்சிக்குத் தேவையான கால்சியம், பாஸ்பரஸ் இவற்றை சரியான அளவில் வைத்திருக்க கூடிய சக்தியான வைட்டமின் னுயை தருவதும்,
* சோடியம், பொட்டாசியம், அம்மோனியா போன்ற தாதுப் பொருட்களின் அளவை சரிவிகிதத்தில் தருவது

என்பது உட்பட பல்வேறு பணிகளை சிறுநீரகம் சிறப்பாக செய்து வருகிறது.

சிறுநீரகத்திலுள்ள ஜெஸ்டா கிளாமருளர் Glomerular என்ற முடிச்சு ரெனின் என்ற சுரப்பியைச் சுரந்து இரத்தக் குழாய்களின் அழுத்தத்தை ரெனின் ஆன்ஜியோ டென்சின் மூலம் (Renin - Angio tension)

இரத்தக் கொதிப்பை சீர் செய்து சமநிலையில் வைக்கின்றது.

சிறுநீரகம் இரத்தக் கொதிப்பால் பாதிக்கப்படுகின்றதா? அல்லது சிறுநீரகத்தால் இரத்தக் கொதிப்பு உண்டாகிறதா?

சிறுநீரக
செயலிழப்பு, சிறுநீரக இரத்தக் குழாய்களில் அடைப்பு என்பன போன்ற
காரணங்களால் இரத்தக் கொதிப்பு உண்டாகிறது என்பது எவ்வளவு உண்மையோ அது
போன்றே அதிக இரத்தக் கொதிப்பினால் சிறுநீரக செயலிழப்பு என்ற பாதிப்பும்
உண்மையே!