புழ‌ல் ‌சிறை‌யி‌ல் ‌வி‌ழி‌ப்புண‌ர்வு ‌நிக‌ழ்‌ச்‌சி

புழல் சிறையில் உள்ள கைதிகளுக்கு புகையிலை ஒழிப்பு குறித்த விழிப்புணர்வு நிகழ்ச்சி திங்கள்கிழமை நடைபெற்றது.

தமிழ்நாடு பொது சுகாதாரத் துறையும், தமிழ்நாடு சிறைத் துறையும் இணைந்து இந்நிகழ்ச்சியை ஏற்பாடு செய்திருந்தன.

சேலம், கோவை, பாளையங்கோட்டை, வேலூர், மதுரை, திருச்சி ஆகிய சிறைகளில் உள்ள கைதிகள் இந்நிகழ்ச்சியை காண வீடியோ கான்ஃபிரன்சிங் வசதி செய்யப்பட்டிருந்தது. இதுகுறித்து சிறைத்துறை தலைமை இயக்குநர் ஆர்.நடராஜ் கூறியதாவது, தமிழ்நாட்டில் உள்ள அனைத்து சிறைகளிலும் புகையிலை முழுவதுமாக ஒழிக்கப்பட்டுள்ளது. எனினும் கைதிகள் தண்டனைக் காலம் முடிந்து வெளியில் சென்றவுடன் இத் தீயப் பழக்கத்தை மீண்டும் தொடரக்கூடாது என்ற எண்ணத்தில்தான் இந்நிகழ்ச்சிக்கு ஏற்பாடு செய்யப்பட்டது என்றார்.

தீயபழக்கவழக்கங்களால் ஏற்படும் தீமைகள் குறித்த துண்டுப் பிரசுரம் கைதிகளுக்கு விநியோகிக்கப்பட்டது.

சுப்பு ஆறுமுகம் குழுவினரின் சிறப்பு வில்லுப்பாட்டு நிகழ்ச்சியும் நடைபெற்றது.

பொது சுகாதாரம் மற்றும் தடுப்பு மருந்துத் துறையின் இயக்குநர் டாக்டர் எஸ். இளங்கோ, சிறைத்துறைத் துணைத் தலைவர் ஆர். துரைசாமி, சிறைக் கண்காணிப்பாளர் எஸ். பரமேஸ்வரன் உள்ளிட்டோர் நிகழ்ச்சியில் கலந்து கொண்டனர்.