பத்ரகாளி அம்மனுக்கு 108 பால்குட அபிஷேகம்

திருத்தணி: திருவாலங்காடு வடாரேண்யேஸ்வரர் கோயில் வளாகத்தில் உள்ள பத்ரகாளி அம்மன் கோயிலில் ஆடி விழா நேற்று கொண்டாடப்பட்டது. இதை முன்னிட்டு 108 பால்குட ஊர்வலம் நடத்தப்பட்டது. பின்னர் அம்மனுக்கு 108 பால்குட அபிஷேகம் நடத்தினர். பால குட ஊர்வலத்தை திருத்தணி முருகன் கோயில் தக்கார் ஜெய்சங்கர் தொடங்கி வைத்தார். ஒன்றியக்குழு தலைவர் குணாளன், துணைத் தலைவர் முத்துக்கொண்டாபுரம் நாகம்மாள் ரமேஷ், முன்னாள் ஊராட்சி தலைவர் சேகர் மற்றும் பலர் கலந்துகொண்டனர். விழா ஏற்பாடுகளை திருத்தணி முருகன் கோயில் இணை ஆணையர் கவிதா செய்திருந்தார்.