முருகனின் தொண்டர்கள்

செந்தில் அந்தாதி சோண சைலத்து மாலை அன்பில் முந்துகண் ணப்பர் கீரர் சருக்கமும் மொழிந்து தீது பிந்தநன் னெறிநூல் பாடிப் பிரபுலிங் கலீலை என்ற செந்தமிழ் நூலுந் தந்த சிவப்பிர காசர் வாழி. - ஈ.வே.வேங்கடசுப்ரமணியன் ஆன்மிகம் வளர்க்கும் புண்ணிய பூமியான காஞ்சி மாநகர் பல்வேறு சிறப்புகள் கொண்டது. நகரங்களுள் சிறந்தது காஞ்சி என்கிற சொல் வழக்கே உண்டு. இப்படிப்பட்ட காஞ்சிபுரத்தை, 'கல்வியில் கரையிலாக் காஞ்சிமாநகர்’ என்பார் அப்பர் சுவாமிகள். 'காந்தக் கலும் ஊசியுமே என ஆய்ந்து தமிழோதிய சீர்பெறு காஞ்சிப்பதி’ என்பது அருணகிரிநாதரின் வாக்கு. இவரது கூற்றுக்கு, 'காந்தக் கல்லும் ஊசியும் போன்ற ஆசிரியரும் மாணவனும் ஒருவரோடு ஒருவர் மனம் ஒருமித்து நூல்களை ஆராய்ந்து தமிழை ஓதுகின்ற காஞ்சிப்பதி’ என்று பொருள். இப்படிக் கற்றார் தொழும். . .