கொடியின் சமூல வகை

தூதுவளையின் சமூலம்:

இதை தூதுளை என்றும் கூறுவர். இலை உணவுக்கு சுவையை தரும். பூவானது விந்துவை விருத்தி செய்யும். காய் திரி தோஷங்களை நீக்கும். வேரும், கொடியும் சுவாசம் முதலான சிலேஷ்ம ரோகங்களை நீக்கும்.

சுரையின் சமூலம்:

இலை வீக்கத்தையும், சிறுநீர் சிக்கலையும் போக்கும். கொடி மனச்சோர்வை நீக்கும்.

நரளையின் சமூலம்:

இலையானது பெண்களின் இரத்தக்கட்டியை போக்கும். கிழங்கானது பிரமேகம், கரப்பான், மூலம் இவற்றை அகற்றும்.

வெண்குன்றியின் சமூலம்:

விதை விந்துவை விருத்தியாக்கும். வேர் தாகத்தை போக்கும். இலை சுளுக்கை நீக்கும். காய் மற்றும் கொடி பைசாசங்களை நீக்கும்.
இவை அனைத்தும் கொடியின் சமூல வகைக‌ள் மற்றும் அவற்றின் குணங்கள் ஆகும். இவற்றை அறிந்து கொண்டு ஆரோக்கியமாக வாழ்வோம்.