பிரிட்னி ஸ்பியர்ஸ் போன்று 'சிக்'கென்ற உடல் வேண்டுமா?

Britney Spears
இரண்டு குழந்தைகள் பெற்ற பிறகும் பிரபல பாப் பாடகி பிரிட்னி ஸ்பியர்ஸ் எப்படி சிக்கென்று இருக்கின்றார் என்று தெரியுமா?

நம்ம ஊர் பெண்கள் ஒரு குழந்தை பெற்றுவிட்டாலே புஸ் என்று ஊதிவிடுகின்றனர். உடல் எடையைக் குறைத்து சிக்கென்று இருக்க வேண்டும் என்று கூறினாலும், அது தான் புள்ளையப் பெத்தாச்சுல இனி என்னத்த உடம்ப சிக்குன்னு வைக்க என்று கேட்பார்கள்.

அப்படி இருக்கையில் பிரபல பாப் பாடகி பிரிட்னி ஸ்பியர்ஸ் இரண்டு குழந்தைகள் பெற்ற பிறகும் எப்படி சிக்கென்று இருக்கின்றார் என்பதைப் பார்ப்போம். அவர் எப்பொழுதுமே பிரவுன் கலர் அரிசிச் சோறும், கொழுப்புச் சத்து குறைவாகவுள்ள கோழிக்கறி மற்றும் மீன் வகைகளை சாப்பிடுவாராம்.

இனி்ப்பு சாப்பிட்டால் எடை கூடும் என்பதால் அவர் பழச்சாறுகள் குடிப்பதைக் கூட நிறுத்திவிட்டார். ஜங்க் புட் என்றால் அவருக்கு கொள்ளைப் பிரியம். ஆனால் அவற்றை சாப்பிட்டால் பலூன் மாதிரி ஊதிவிடுவோம் என்ற பயத்தால் சாப்பிடுவதில்லை. சிறு, சிறு இடைவேளைகளில் கொஞ்சம், கொஞ்சம் சாப்பிடுவது தான் அவரது எடையைக் குறைக்க உதவுகிறது. அதாவது மூன்று நேரம் உணவு உண்பதற்கு பதில் அவர் கொஞ்சமாக 5 வேளை உண்கிறார்.

இது தவிர அவர் புரோட்டீன் சத்துள்ள முட்டைகள், கோழிக்கறி, மீன் மற்றும் கீரை வகைகளை உட்கொள்கிறார். அவருக்கு நிறைய காபி குடிக்கும் பழக்கம் உள்ளது. அதனால் கொழுப்புச்சத்து நீக்கப்பட்ட பாலில் போடப்படும் காபியை மட்டுமே குடிக்கிறார். மேலும் தினமும் உடற்பயிற்சி செய்கிறார்.

பிரிட்னி ஸ்பியர்ஸின் ரகசியம் தெரிந்துவிட்டதல்லவா? இனி நீங்களும் உங்கள் உடம்பை கட்டுக்கோப்பாக வைத்துக் கொள்ளுங்கள்.