ஆனந்தம் இன்று ஆரம்பம்

* அன்பே சிவம் என்றார் திருமூலர். அறிவான தெய்வம் என்றார் தாயுமானவர். அன்பையும், அறிவையும் அன்னபூரணியாய் வீற்றிருக்கும் அம்பிகை நமக்கெல்லாம் பிச்சையாகப் போட வேண்டும் என்று இன்று பிரார்த்திப்போம்.
* மனிதன் நல்லதை மட்டுமே சிந்திக்க வேண்டும். "என்னிடம் பாவமூட்டையே இல்லை' என்று சொல்லும்படி நாம் வாழ வேண்டும். இந்த நிலையை அடைந்து விட்டால் காற்றில் மிதக்கும் பஞ்சுபோல எப்போதும் ஆனந்தமாக வாழலாம்.
* விஞ்ஞானம் என்பது வெளியுலக அறிவோடு நின்று போகாமல் உள்ளத்தின் உண்மைகளையும் ஆராயும் விதத்தில் அமைய வேண்டும். அப்படி செய்தால் அணுகுண்டைத் தயாரித்த நவீன விஞ்ஞானம், மகத்தான ஆத்மநலனுக்கும் பயன் தருவாக அமையும்.
* குழந்தைகளைத் தெய்வமாக கொண்டாடுவார்கள். அவர்களிடத்தில் எந்த தீய குணமும் இருக்காது. அதனால் தான் "குழந்தையும் தெய்வமும்' என்பர். உபநிடதமும், மனிதனை "குழந்தையாக இரு' என்று வலியுறுத்துகிறது.