யாருக்கு அலங்காரம் செய்வது

* பெரியவர்களிடம் வைக்கும் அன்பு மரியாதை. சின்னவர்களிடம் வைக்கும் அன்பை அருள். கஷ்டப்படுகிறவர்களிடம் வைக்கும் அன்பு கருணை என்று சொல்ல வேண்டும்.
* மவுனத்தைக் கடைபிடித்தால் சண்டை சச்சரவு இருக்காது. நல்ல விளைவுகளை ஏற்படுத்தி தரும் சக்தி இதற்கு உண்டு.
* பாவம் செய்தவர்களை வெறுப்பதாலோ கோபிப்பதாலோ பலனில்லை. அவர்கள் மனம் நல்ல வழியில் திரும்ப பிரார்த்திப்பதே நாம் செய்ய வேண்டிய பணி.
* அம்பாளுக்கு செய்கிற அலங்காரம் தான் நமக்கு அழகு. நமக்கு செய்து கொள்கிற அலங்காரம் அகங்காரத்திற்குத்தான் வழிகாட்டும்.
* இறைவனுக்கு கருணை இருப்பதால் கல், மண், செம்பு உட்பட எந்த உருவத்தில் வைத்துக் கொண்டு அழைத்தாலும் வருவான்.
* பத்தியம் இல்லாமல் மருந்து மட்டும் பலன் தராது. உங்களுக்கு படிப்பு தான் மருந்து என்றால், அதோடு சேர்த்துக் கொள்ள வேண்டிய பத்தியம் பணிவு.
* ஒருவனுக்கு அன்பு, அடக்கம், சாந்தம், தியாகம் போன்ற குணங்கள் வேண்டும் என்று அனைத்து மதங்களும் கூறுகின்றன.