சத்தியம் இது சத்தியம்

* கண்டதை எண்ணி மனதை குப்பைத்தொட்டி போல ஆக்கிவிட்டோம். அதைச் சுத்தப்படுத்தி, கடவுளை வைத்து வழிபட வேண்டும். கடவுள் நாமங்களைச் சொல்லி புண்ணியம் தேடுவதே பிறவிப்பயன்.
* கடவுள் எங்கும் வியாபித்திருக்கிறார். உலக இயக்கங்கள் அனைத்தும் அவராலேயே நிகழ்கின்றன. அவனன்றி ஓர் அணுவும் அசையாது என்று இதைத் தான் சொல்கிறோம்.
* தனக்கென்று எவ்வளவு குறைவாகச் செலவழிக்க
முடியுமோ, அந்த அளவுக்கு எளிமையாக வாழ்வதும், முடிந்த அளவுக்கு தானதர்மங்கள் செய்வதும்
அனைவரும் பின்பற்றவேண்டியதாகும்.
* பிறவிப் பெருங்கடலைத் தாண்டிச் செல்வதற்கு குருவின் அருள் தேவை. எல்லாவிதமான இன்பத்திலும்
துன்பத்திலும் நமக்கு அருள்பாலிப்பவர் குரு தான். நம்முடைய அறியாமை அனைத்தும் குருவால் மட்டுமே அகலும்.
* சத்தியம் என்றால் வாக்கும், மனதும் ஒன்றுபடுவது
மட்டுமல்ல. நல்ல மனதில் தோன்றுகின்ற நல்ல
எண்ணங்களை வாக்கில் சொல்வதே சத்தியம் ஆகும்.
சத்தியத்தால் நல்ல விளைவுகள் மட்டுமே உண்டாகும்.
காஞ்சிப்பெரியவர்