வௌவால் மீன் ப்ரை

மீன்களில் ஒமேகா 3 கொழுப்பு அமிலங்கள் இருப்பதால் வளரும் குழந்தைகளுக்கு அடிக்கடி மீன் சாப்பிட செய்து தரவேண்டும். குழம்பில் போடுவதை விட ப்ரை செய்து கொடுத்தால் குழந்தைகள் விரும்பி சாப்பிடுவர். வெளவால் மீன் முள் அதிகம் இல்லாதது என்பதால் ப்ரை செய்ய ஏற்றது.

தேவையான பொருட்கள்

வௌவால் மீன் - அரை கிலோ

மிளகாய்த்தூள் – 4 டீ ஸ்பூன்

மஞ்சள் தூள் – கால் டீ ஸ்பூன்

எலுமிச்சை – அரை மூடி

இஞ்சி, பூண்டு – 2 டீ ஸ்பூன்

கான் ப்ளவர் – 2 டீ ஸ்பூன்

உப்பு தேவையான அளவு

எண்ணெய் பொரிக்க தேவையான அளவு

மீன் ப்ரை செய்முறை

மீனை நன்கு கழுவி சுத்தம் செய்து கொள்ளவும். முள் அதிகம் இருக்காது என்பதால் பொடியாக கட் செய்து கொள்ளலாம். அதனுடன் மிளகாய்த் தூள், மஞ்சள் தூள், இஞ்சி, பூண்டு விழுது, கார்ன் ப்ளவர், உப்பு, எலுமிச்சை சேர்த்து பிசிறிக் கொள்ளவும். இதனை ப்ரீசரில் அரை மணிநேரம் ஊறவைக்கவும்.

அடுப்பில் வாணலியை வைத்து அதில் மீன் பொரிக்க தேவையான அளவு எண்ணெய் ஊற்றி காய்ந்த உடன், நான்கு துண்டுகள் போட்டு பொரித்து எடுக்கவும். கார்ன் ப்ளவர் போட்டதால் மீன் ப்ரை மொறு மொறு என்று இருக்கும். குழந்தைகள் விரும்பி சாப்பிடுவார்கள்.