கன்னி ராசி புத்தாண்ட பலன்

வசிகரிக்கும் தோற்றத்தால் மற்றவர்களை கவரும் கன்னி ராசி அன்பர்களே !

புத்தாண்டில் சனி, ராகு, ராசிக்கு இரண்டிலும் கேது ராசிக்கு எட்டாம் இடத்திலும் உள்ளனர். இந்த அமர்வு சில சிரமமான பலன்களைத் தரும். இருப்பினும், குரு பாக்ய ஸ்தானத்தில் மே 28 வரை இருந்து அளப்பரிய நற்பலன்களை வழங்குவார். அவர் மிதுனத்திற்கு பெயர்ச்சியான பின் ஐந்தாம் பார்வை சனி, ராகு கிரகங்களின் மீது பதிகிறது. இதனாலும் கெடுபலன் ஓரளவு குறைந்து நன்மை உண்டாகும். சிந்தித்து செயல்பட்டால் தான் சிகரத்தை எட்டிப் பிடிக்க முடியும். நல்ல எண்ணத்துடன் பேசினாலும் உங்களைச் சிலர் குறை கூற நேரிடும். இதனால், அடிக்கடி மன சஞ்சலத்திற்கு ஆளாவீர்கள். பணிகளில் கவனத்துடன் ஈடுபடுவதால் மட்டுமே மக்கள் மத்தியில் நற்பெயரைத் தக்க வைக்க முடியும். வீடு, வாகனத்தில் திருட்டு பயத்தை தவிர்க்க உரிய பாதுகாப்பு நடைமுறையைப் பின்பற்றுவது அவசியம். வாகன பயணத்தில் நிதானத்தைக் கடைபிடித்தால் பயணம் இனிமையாகும். புத்திரர்கள் வருட முற்பகுதியில் குடும்ப சூழ்நிலை உணர்ந்தும், பிற்பகுதியில் தமது விருப்பங்களை நிறைவேற்றுவதில் பிடிவாத குணத்துடனும் செயல்படுவர். அவர்களை பொறுமையுடன் வழிநடத்துங்கள். பூர்வ சொத்துக்களில் வருமானம் சுமாராக இருக்கும். வீடு, வாகன வகையில் பராமரிப்பு செலவு அதிகரிக்கும். சிலர் குடும்ப தேவைக்காக சொத்தின் பேரில் கடன் பெறுகிற சூழ்நிலை உருவாகும். நம்பகமானவர்களிடம் மட்டும் கடன் பெறுவது நல்லது. உடல்நலனில் அக்கறை தேவை. சத்தான உணவு உண்பது, சீரான ஓய்வு எடுத்துக் கொள்வது நல்லது. தம்பதியர் எதிர்கால நன்மை கருதி ஒற்றுமையுடன் செயல்படுவது அவசியம். ஒருவருக்கொருவர் குடும்ப விஷயம் குறித்து வாக்குவாதம் செய்வது கூடாது. பெருந் தன்மையுடன் விட்டுக் கொடுப்பது நன்மை தரும். நண்பர்களின் உதவியும், ஒத்துழைப்பும் தேவையான சமயத்தில் கிடைக்கும். ஆடம்பர எண்ணத்தைக் குறைத்து செலவைக் கட்டுப்படுத்த முயற்சிப்பீர்கள். குருவருளால் திட்டமிட்டபடி குடும்பத்தில் சுபநிகழ்ச்சி நடந்தேறும். தந்தைவழி உறவினர்களின் ஆதரவு கிடைக்கும். தொழில் சார்ந்த வகையில் கடின உழைப்பு, விடாமுயற்சியால் முன்னேற்றம் காண்பீர்கள். பணவரவு எதிர்பார்த்தபடி கிடைப்பதில் தாமதம் ஏற்படும். வெளிநாடு வேலைவாய்ப்பு பெற முயற்சிப்பவர்களுக்கு ஓரளவே அனுகூலம் உண்டு.
தொழிலதிபர்கள்: அளவான உற்பத்தி, சுமாரான லாபம் என்கிற நிலை இருக்கும். கடந்த காலத்தில் அதிருப்தி மனப்பாங்குடன் விலகிச்சென்ற ஒப்பந்ததாரர்கள், மீண்டும் சரக்கு கொள்முதல் செய்ய வருவர். விடாமுயற்சியால் புதிய ஒப்பந்தம் கிடைக்கப் பெறுவீர்கள். நிர்வாகத்தில் நடைமுறைச் செலவு கட்டுக்கடங்காமல் போகும். சிக்கனம் கடைபிடிப்பது நல்லது. பணியாளர்களின் ஒத்துழைப்பு ஓரளவே கிடைக்கும். தொழிலாளர் பிரச்னையைச் சமாளிக்க பணச்செலவு ஏராளமாகும்.
வியாபாரிகள்: வாடிக்கையாளர்களிடம் பெற்ற நன்மதிப்பை பாதுகாப்பதில் அக்கறை தேவைப்படும். புதிய உத்திகளைப் பின்பற்றி புதிய வாடிக்கையாளர்களைக் கவர முயற்சிப்பீர்கள். மிதமான விற்பனை, அளவான வருமானம் கிடைக்கும். குடோன்களில் பாதுகாப்பு நடைமுறைகளை பின்பற்றுவது அவசியம். சக வியாபாரிகளிடம் நல்லுறவை உருவாக்கி சில நன்மைகளைப் பெறுவீர்கள். வெளியூர்ப் பயணத்தால் ஆதாயம் கிடைக்கும்.
பணியாளர்கள்: பணிபுரியும் இடங்களில் விழிப்புடன் செயல்படுவதால் மட்டுமே குளறுபடி வராத நன்னிலை அமையும். நிர்வாகத்தின் வழிகாட்டுதலை பின்பற்றுவது நல்லது. எதிர்பார்த்த கடனுதவி வந்து சேரும். சக பணியாளர்களால் பணிச்சுமை அதிகரிக்கும். இருந்தாலும் வருமானத்திற்கு குறைவிருக்காது. எதிர்பார்த்த சலுகை கிடைப்பதில் தாமதம் ஏற்படும்.
பெண்கள்: பணிபுரியும் பெண்கள் ஒருமுகத்தன்மையுடன் செயல்பட்டால் மட்டுமே பணி இலக்கை நிறைவேற்ற முடியும். சலுகை பெறுவதில் ஓரளவே அனுகூலம் உண்டு. குடும்பச் செலவுகளை நிறைவேற்ற பணவசதி சீராக கிடைக்கும். குடும்பப் பெண்கள் சிக்கனத்தைக் கடைபிடிப்பது நல்லது. கணவருடன் கருத்து பேதம் வளராத வகையில் ஒற்றுமையைப் பேணுவது நல்லது. சுயதொழில் புரியும் பெண்கள் விடாமுயற்சியால் உற்பத்தி, விற்பனையை பாதுகாத்துக்கொள்வர்.சராசரிபணவரவுகிடைக்கும்.
மாணவர்கள்: படிப்புச் செலவுக்கான பணவசதி ஓரளவே கிடைக்கும். அன்றாடப் பாடங்களை அன்றன்றே படிப்பது அவசியம். நண்பருடன் வீண்பொழுது போக்குவது கூடாது. பயணத்தில் மிதவேகம் அவசியம். பெற்றோரின் வழிகாட்டுதலை ஏற்று நடப்பது எதிர்கால நன்மைக்கு வழிவகுக்கும். படிப்பு முடிந்து வேலை தேடுபவர்களுக்கு விடாமுயற்சி தேவைப்படும்.
அரசியல்வாதிகள்: வருட முற்பகுதியில் அரசியல் பணிகளை ஆர்வமுடன் நிறைவேற்றுவீர்கள். பிற்பகுதியில் தொய்வு ஏற்படும். ஆதரவாளர்களிடம் நன்மதிப்பு பாதிக்காது என்றாலும், சில தருணங்களில் உணர்ச்சிவசப்பட்டு பேசுவதால் அவர்களின் ஒத்துழைப்பைப் பெறுவதில் தாமதம் உண்டாகும்.
விவசாயிகள்: விவசாயச் செலவுக்கான பணம் பெறுவதில் தாமதம் உண்டாகும். பயிர் வளர்ப்பில் கவனம் செலுத்துவது அவசியம். மிதமான மகசூலும், அதற்கேற்ப வருமானமும் கிடைக்கும்.
பரிகாரம்: பைரவரை வழிபடுவதால் துன்பங்கள் தூள் தூளாகும்.
பரிகாரப் பாடல்:
சீர்கொண்ட செம்பொன் திருமேனியும்
செம்முக மலரும் கார்கொண்ட சட்டையும்
தண்டாயுதமும் கணங்கள் எட்டும்
கூர்கொண்ட மூவிலைச் சூலமும்
கொண்டருள் கூர்ந்த கொன்றைத்
தார்கொண்ட வேணியனே!
காழியாபதுத் தாரணனே!
ஜனவரி: குரு 9ல் இருப்பது நற்பலனைத் தரும். அதேசமயம் சனி, ராகு, கேதுவின் சஞ்சாரம் சிறப்பான பலனைத் தருவதற்கு இல்லை. குருபலம் இருப்பதால் திருமணம், குழந்தைப்பேறு போன்ற சுபநிகழ்ச்சிகள் வீட்டில் நடந்தேறும்.
பிப்ரவரி: குருவின் பலத்தால் ஆரோக்கியம் மேம்படும். மாதகிரகங்களும் அனுகூல பலன் தரும். சிலருக்கு வெளியூர், வெளிநாடு சென்று பணியாற்றும் வாய்ப்பு கிடைக்கும். புதிய தொழில் தொடங்கும் முயற்சி வெற்றி பெறும்.
மார்ச்: நீதிமன்ற வழக்கில் சாதகமான தீர்ப்பு கிடைக்கும். நல்ல பணியாட்கள் வந்து சேர்வர். பழைய கடன் பாக்கி அடைபடும். நோய்நொடிகள் பறந்தோடும். எதிரியின் கொட்டம் அடங்கும். மக்கள் மத்தியில் செல்வாக்கு உயரும்.
ஏப்ரல்: சூரியன், செவ்வாயின் சஞ்சாரத்தால் கெடுபலன் உண்டாகும். வாகனப்பயணத்தில் நிதானம் அவசியம். குருபலத்தால் ஓரளவு பிரச்னையைச் சமாளிக்க முடியும். குடும்பத்தேவை அனைத்தும் சீராக நிறைவேறும்.
மே: நல்லதும் கெட்டதும் கலந்த காலகட்டம் இது என்றால் மிகையில்லை. சுபநிகழ்ச்சிகளில் தடை உண்டாகி மறையும். புதன், சுக்கிரனால் வருமானம் அதிகரிக்கும். மாதக்கடைசியில் எதிர்பார்த்த சுபசெய்தி வந்துசேரும்.
ஜூன்: குரு 10ல் இருப்பதால் தொழிலில் மிகுந்த கவனம் தேவைப்படும். ஏழரைச்சனி, ராகு,கேது, குரு போன்ற கிரகங்களால் கெடுபலன் ஏற்படும். உடல்நிலை அதிருப்தி அளிக்கும். மருத்துவச் செலவு கூடும். எதிரிகளாலும் தொல்லை உண்டாகும்.
ஜூலை: மாத கிரகங்கள் அனுகூலமாகச் சஞ்சரிக்கின்றனர். குடும்பத்தேவை அனைத்தும் நிறைவேறும் விதத்தில் வருமானம் இருக்கும். வெளியூர்,வெளிநாட்டில் இருந்து சுபசெய்தி வந்து சேரும். குடும்பத்தினருடன் வாக்குவாதம் செய்ய இடமுண்டு.
ஆகஸ்ட்: மாதம் முழுவதும் சுமாரான பலன் தான். பண நெருக்கடி அதிகமாகும். வங்கியில் கடன், நிதியுதவி பெற்று தொழிலை சீர்படுத்தும் முயற்சி நிறைவேறும். உடல்நலனில் அக்கறை கொள்வது நல்லது. பிள்ளைகளின் வளர்ச்சி ஆறுதல் அளிக்கும்.
செப்டம்பர்: நண்பர்களின் உதவியைக் கேட்டு பெறுவீர்கள். கண்நோய் உண்டாகலாம் கவனம். கணவன், மனைவி ஒற்றுமை குறையும். பிள்ளைகளாலும் மனவருத்தம் ஏற்படலாம். ஆலய வழிபாட்டு செய்வதன் மூலம் நிம்மதி பெற முடியும்.
அக்டோபர்: சனியால் உடலில் எப்போதும் சோம்பல் மேலோங்கும். உடல்நிலையில் கவனம் தேவைப்படும். மருத்துவச்செலவு செய்ய நேரிடும். உறவினர்களின் ஒத்துழைப்பு கிடைக்கும். சுபவிஷயத்தில் ஓரளவு முன்னேற்றம் உண்டாகும்.
நவம்பர்: குரு வக்ரம் அடைவதால் சாதகமான பலனை எதிர்பார்க்கலாம். வருமானம் பலவழிகளில் வர வாய்ப்புண்டு. திருமண முயற்சியில் முன்னேற்றம் உண்டாகும். கல்வி வளர்ச்சிக்கான சூழ்நிலை குடும்பத்தில் உருவாகும்.
டிசம்பர்: தொழிலில் லாபம் பன்மடங்கு உயரும். புதிய தொழில் தொடங்கும் முயற்சியில் முன்னேற்றம் உண்டு. புதிதாக வீட்டுமனை, வாகனம் வாங்கும் எண்ணம் நிறைவேறும்.
சிலருக்கு பூர்விகச் சொத்து கிடைக்கும். மொத்தத்தில் நல்ல காலகட்டம்.
முருக பெருமானின் அம்சத்தை கொண்ட மேஷ ராசி அன்பர்களே
புத்தாண்டில் கேது உங்கள் ராசியிலும் சனி, ராகு ஏழாம் இடத்திலும் உள்ளனர். இந்த அமர்வு சிரமமான பலன்களைத் தந்தாலும் மேற்கண்ட கிரகங்களின் பார்வை படுகின்ற ஸ்தானங்களின் வழியாக நன்மைகளைப் பெறுவீர்கள். குரு இரண்டாம் இடத்தில் இருப்பது நன்மையை வழங்கும். மே 28ல் மூன்றாம் இடமான மிதுனராசிக்கு பெயர்ச்சியாவது சிறப்பானதல்ல. ஜனவரி முதல் மே மாதம் வரையில் உங்கள் வாழ்வில் பொன்னான காலம்தான். ஆண்டின் பிற்பகுதியில், எந்த செயலிலும் முன்யோசனையோடு ஈடுபடுவது நன்மைக்கு வழிவகுக்கும். பேச்சில் ஆன்மிகம் மேலோங்கும். அடுத்தவர் நலனில் அக்கறையுடன் செயல்படுவீர்கள். தம்பி, தங்கை தங்களது உழைப்பினால் பொருளாதாரநிலையில் நல்ல முன்னேற்றம் அடைவர். உங்களின் ஆலோசனையை பின்பற்றி வாழ்வில் முன்னேற்றம்காண்பர். வீடு, வாகன ஸ்தானம் ஆகிய நான்காம் இடத்தில் ராகுவுடன் சேர்ந்த சனிபகவானின் பத்தாம் பார்வை பதிகிறது. இதனால் சிலர் வசிக்கும் வீட்டில் வசதிக்குறைவை எதிர்கொள்ள நேரிடும். அவரவர் ராசிக்கு உகந்த திசைப்பொருத்தம் உள்ள வீடுகளில் குடிபுகுவதால் நன்மை கிடைக்கும். வாகனத்தில் தகுந்த பராமரிப்பு பணிகளை மேற்கொள்வீர்கள். நீண்ட தூர பயணங்களில் பாதுகாப்பு முறைகளைப் பின்பற்றுவது அவசியம். புத்திரர் மனதில் ஆடம்பர ஆசைகளை வளர்த்துக்கொண்டு பிடிவாத குணத்துடன் நடந்துகொள்வர். அவர்களை பக்குவமாக வழிநடத்துவதால் சிரமம் வராமல் தவிர்க்கலாம். பூர்வ சொத்துக்களில் மராமத்துப்பணிகளை நிறைவேற்று வீர்கள். அதில் நம்பகமானவர்களை மட்டும் குடியமர்த்துவது நல்லது. ஆரோக்கியம் ஆண்டின் முற்பகுதியில் சிறப்பாகவும், பிற்பகுதியில் மருத்துவ சிகிச்சை பெறுகிற வகையிலும் இருக்கும். தம்பதியர் தமக்குள்ள கருத்துவேறுபாடுகளை பெரிதுபடுத்தாமல் இருப்பது நல்லது. இருப்பினும் குரு பெயர்ச்சிக்குப்பின், அதன் ஐந்தாம் பார்வை பலத்தால் கணவர் மனைவியிடையே விட்டுக்கொடுக்கும் மனப்பான்மை வளரும். குருபெயர்ச்சி வரையிலும் பேச்சில் நிதானம் தேவைப்படும். பிதா, பாக்ய ஸ்தானத்தில் சனி, ராகுவின் மூன்றாம் பார்வை பதிகிறது. இதனால் தந்தைவழி உறவினர்களிடம் சண்டை சச்சரவில் ஈடுபட வாய்ப்புண்டு. தகுதி குறைந்தவர்களிடம் சகவாசம் கொள்கிற சூழ்நிலையும் அதனால் அவப்பெயர் ஏற்பட வாய்ப்புண்டு கவனம். தொழில் வளர்ச்சிபெற விடாமுயற்சியும் கடின உழைப்பும் தேவைப்படும். வருமானம் சீரான அளவில் இருக்கும்.
தொழிலதிபர்கள்: உற்பத்தி, தரம் உயர்த்த புதிய தொழில்நுட்பங்களை பயன்படுத்துவதில் ஆர்வம் கொள்வீர்கள். புதிய தொழில்நுட்பக்கருவிகள் வாங்குவதற்கான வங்கிக் கடனுதவி கிடைக்கும். உற்பத்தி உயர்வதோடு புதிய ஒப்பந்தங்களும் கிடைக்கும். சிலருக்கு தொழில் கூட்டமைப்பில் புதிய பதவி கிடைக்கும். அனுபவம் இல்லாத புதிய தொழிலில் கூட்டுசேரும் முயற்சியை தவிர்ப்பது நல்லது. தொழிலாளர்களின் நலனில் அக்கறை கொள்வர்.
வியாபாரிகள்: போட்டிகளை சமாளிக்கும் விதத்தில், விற்பனையில் புதிய நடைமுறையைப் பின்பற்றுவீர்கள். கடின உழைப்பினால் வியாபாரம் சுமாரான அளவை எட்டும். கூடுமான வரை ரொக்கத்திற்கு பொருள் விற்பதால் பற்றாக்குறையைத் தவிர்க்கலாம். பணத்தேவை அதிகரிக்கும். சரக்கு இருப்பு வைக்கும் இடங்களில் உரிய பாதுகாப்பைப் பின்பற்றுவது நல்லது. வாடிக்கையாளர்களின் ஆதரவு மனதிற்கு ஆறுதல் அளிக்கும். சரக்கு வாகன பராமரிப்புச் செலவு கூடும்.
பணியாளர்கள்: அரசு, தனியார் துறையில் பணிபுரிபவர்கள் தமக்குரிய பணியின் பொறுப்பை உணர்ந்து செயல்படுவது அவசியம். இதனால் பணியில் குளறுபடி வராமல் தவிர்த்து நற்பெயரை பாதுகாக்கலாம். குடும்பச் செலவில் சிக்கனத்தைப் பின்பற்றுவது நல்லது. அனுபவசாலிகளின் வழிகாட்டுதலைக் கேட்டுப் பின்பற்றுவீர்கள். அலுவலகத்தில் எதிர்பார்த்த கடனுதவி கிடைக்கப் பெறுவீர்கள்.
பெண்கள்: பணிபுரியும் பெண்கள் திட்டமிட்டுச் செயல்படுவதால் மட்டுமே பணி இலக்கு நிறைவேறும். சலுகைப்பயன் ஓரளவு கிடைக்கும். குடும்பப் பெண்கள் கணவரின் வருமானத்திற்கேற்பசெலவைக் குறைத்துக் கொள்வது அவசியம். விட்டுக்கொடுத்து செல்வதால் குடும்பத்தில் ஒற்றுமை வளரும். சுயதொழில் புரியும் பெண்கள் அளவான மூலதனத்துடன் அதிக உழைப்பினால் உற்பத்தி, விற்பனையில் சீரான வளர்ச்சி காண்பர். எதிர்பார்த்த வங்கி கடனுதவி கிடைக்கும்.
மாணவர்கள்: வெளிவட்டார பழக்கவழக்கத்தை தவிர்த்து படிப்பில் கவனம் கொள்வதால் மட்டுமே தேர்ச்சி விகிதம் சீராகும். படிப்புச் செலவுக்கான பணம் சீராகக் கிடைக்கும். நண்பர்களுடன் பொழுது போக்கு, ஆடம்பர விஷயங்களில் ஈடுபடுவது நல்லதல்ல. படித்து முடித்தவர்களுக்கு வேலைவாய்ப்பு அதிர்ஷ்டகரமான வகையில் கிடைக்க வாய்ப்புண்டு.
அரசியல்வாதிகள்: சமூகத்தில் பெற்ற நற்பெயரைப் பாதுகாத்துக் கொள்வதில் அக்கறை காட்டுவீர்கள். ஆண்டின் முற்பகுதியில், மக்கள் நலப்பணிகளை விரைந்து முடிப்பீர்கள். தொண்டர்களின் கருத்துக்களை கனிவுடன் கேட்டு நடப்பதால் மட்டுமே ஒற்றுமை நிலைக்கும்.
விவசாயிகள்: அதிக வருமானம் தருகிற பணப்பயிர்களை வளர்ப்பதில் ஆர்வம் காட்டுவீர்கள். கடின உழைப்பு தேவைப்படும். விளைபொருட்களுக்கு நல்ல விலை கிடைக்கும். கால்நடை வளர்ப்பில் கிடைக்கும் ஓரளவு வருமானம் இருக்கும்.
பரிகாரம்: விநாயகரை வழிபடுவதால் தடையனைத்தும் நீங்கி நன்மை பெருகும்.
பரிகாரப் பாடல்:
உம்பர்தரு தேனுமணிக் கசிவாகி
ஒண்கடலில் தேனமுதத்து உணர்வூறி
இன்ப ரசத்தே பருகி பலகாலும்
என்றனுயிர்க்கு ஆதரவுற் றருள்வாயே
தம்பி தனக்காக வனத் தணைவோனே
தந்தை வலத் தாலருள் கைக்கனியோனே
அன்பர் தமக்கான நிலைப் பொருளோனே
ஐந்து கரத்து யானைமுகப் பெருமானே.
மாதவாரியாக பலன்கள்:
ஜனவரி: ராசிநாதன் 10ல் உச்சம் பெறுகிறார். 2ல் ராகு, குரு, 8ல் சுக்கிரன் சஞ்சரிக்கின்றனர். உத்தியோகத்தில் நன்மை உண்டாகும். பணவரவு சிறப்பாக இருக்கும். வேலை தேடுபவர்களுக்கு நல்ல பணி கிடைக்கும். சிலருக்கு வாகனயோகமும் உண்டு.
பிப்ரவரி: சூரியன், செவ்வாய், புதன், குரு நான்கு கிரகங்களும் சுபபலனை வழங்க காத்திருக்கின்றனர். வீட்டில் சுபநிகழ்ச்சி நடந்தேறும். வேலைவாய்ப்பில் வளர்ச்சி உண்டாகும். எதிர்பார்த்த சலுகைப்பயன் படிப்படியாகக் கிடைக்கும். சேமிப்பு உயரும்.
மார்ச்: 11ல் கிரகங்கள் சஞ்சரிப்பதால் தொழிலில் வளர்ச்சி உண்டாகும். அமோக லாபம் வரும். சிலருக்கு பதவி உயர்வு கிடைக்கும். இந்த மாதம் சனிவக்ரமாவதும் நன்மை அளிக்கும். வீண்செலவு ஏற்படும். வாகன பயணத்தில் மித வேகம் நல்லது.
ஏப்ரல்: 7ல் இருக்கும் சனியின் பார்வை ராசி மீது படுவதாலும், ஜென்மத்தில் இருக்கும் சூரியனாலும் உடல்கோளாறு ஏற்படலாம் கவனம். பயணத்தில் கவனம் அவசியம். ஜென்மத்தில் கேதுவும் சஞ்சரிப்பதால் தெய்வ வழிபாட்டின் மூலம் நன்மை உண்டாகும்.
மே: குருவின் மூன்றாம் இடப்பெயர்ச்சி சோதனையை உண்டாக்கும். மாத கிரகங்களும் அவ்வளவு சிறப்பாக அமையவில்லை. இதனால் மனம், உடல்நிலையில் சிரமங்களை அனுபவிப்பீர்கள். குடும்பத்தில் அவ்வப்போது பிரச்னைகள் ஏற்படலாம்.
ஜூன்: யாரிடமும் வாக்குவாதம் செய்வது கூடாது. பணப்பற்றாக்குறை ஏற்படலாம். மருத்துவச் செலவு நாளுக்குநாள் அதிகரிக்கும். கணவன், மனைவி விட்டுக் கொடுத்து நடப்பது நன்மை அளிக்கும். சுபநிகழ்ச்சி நடத்துவதில் தடை ஏற்படலாம்.
ஜூலை: மூன்றாமிட செவ்வாயால் நற்பலன் கூடுதலாகும். புதன், சுக்கிரனின் சஞ்சாரமும் சூப்பர். புதிய மனை வாங்கும் முயற்சியில் வெற்றி கிடைக்கும். வருமானம் அதிகம் வருவதால் கையிருப்பு கூடும். வெளியூர் பயணத்தால் சந்தோஷம் உண்டாகும்.
ஆகஸ்ட்: செவ்வாயின் சஞ்சாரத்தால் நற்பலன் அதிகரிக்கும். உடல்நிலை திருப்தி தரும். வங்கிக்கடன் பெற்று தொழிலை மேம்படுத்துவீர்கள். வாழ்வில் சோதனை அதிகரிக்கும். உடல்நிலையும் அவ்வப்போது சில தொந்தரவுகள் ஏற்பட்டு விலகும்.
செப்டம்பர்: பணப்பிரச்னை தீரும். பழைய கடன்தொல்லை அகலும். நோய்நொடி விலகி உடலில் புத்துணர்ச்சி தென்படும். சட்டரீதியான சிரமங்களும் சிலருக்கு ஏற்பட இடமுண்டு. வெளிநாடு, வெளியூர் சென்று வர வாய்ப்புண்டாகும்.
அக்டோபர்: நண்பர்களால் பிரச்னை உருவாகலாம். வாகன பயணத்தில் எச்சரிக்கை தேவைப்படும். சிலருக்கு வாகனதிருட்டும் ஏற்படலாம் கவனம். பிள்ளைகளின் எதிர்காலம் குறித்த கவலை உண்டாகும். பெற்றோர் உடல்நலனிலும் அக்கறை அவசியம்.
நவம்பர்: குருவின் வக்ரத்தால் சுபநிகழ்ச்சி விரும்பியபடி நிறைவேறும். தாமதித்த பணிகள் மளமளவென நடந்தேறும். பதவி உயர்வு, விரும்பிய இடமாற்றம் கிடைக்க வாய்ப்புண்டு. சொத்துபிரச்னை தீரும். செவ்வாயின் 6ம் இட மாற்றமும் அனுகூலம் தரும்.
டிசம்பர்: வெற்றி மேல் வெற்றி வரும். எதிரிகளின் பலம் குறையும். தடைபட்ட விஷயங்களில் முன்னேற்றம் ஏற்படும். ஆரோக்கியம் அதிகரிக்கும். கூட்டுத் தொழில் செய்பவர்கள் எச்சரிக்கையாக இருப்பது நல்லது. சிலருக்கு பணியிலும் பிரச்னை தென்படும்.