சட்டமில்லாத தீவிரவாதத்தின் தலைநகராக டெல்லி மாறிவிட்டது: பா.ஜனதா குற்றச்சாட்டு

புதுடெல்லி, மார்ச் 26-

டெல்லியில் இன்று பகுஜன் சமாஜ் கட்சி தலைவர் தீபக் பரத்வாஜ் இன்று சுட்டுக் கொல்லப்பட்டார். இதற்கு பாரதீய ஜனதா கட்சி கடும் கண்டனத்தை தெரிவித்துள்ளது.

இதுதொடர்பாக பா.ஜனதா தலைவர் ராஜீவ் பிரதாப் ரூடி கூறுகையில், “டெல்லியில் மீண்டும் மிகப்பெரிய குற்றச்செயல் நடந்துள்ளது. டெல்லி அரசும் மத்திய அரசும் முற்றிலும் தோல்வியடைந்திருப்பதையே இச்சம்பவம் காட்டுகிறது.

பகுஜன் சமாஜ் கட்சியின் முன்னாள் வேட்பாளர் கொலை செய்யப்பட்டது மிகவும் வருந்தத்தக்கது. தலைநகர் டெல்லி, சட்டமற்ற தீவிரவாதத்தின் தலைநகரமாக மாறிவிட்டது. இதனை பா.ஜனதா கண்டிக்கிறது” என்றார்.