விஸ்வரூபம் படத்தை தடுக்க வேண்டாம்: ரஜினிகாந்த் வேண்டுகோள்

கமல் தயாரித்து நடித்த விஸ்வரூபம் படத்தினை இஸ்லாமிய சகோதரர்கள் தடுக்க வேண்டாம் என்று ரஜினிகாந்த் வேண்டுகோள் விடுத்துள்ளார்.

விஸ்வரூபம் படம் பற்றி நடிகர் ரஜினிகாந்த் வெளியிட்டுள்ள அறிக்கையில், என்னை வாழ வைக்கும் தெய்வங்களான தமிழ் மக்களுக்கு என் வணக்கத்தை தெரிவித்துக் கொள்கிறேன்.

கடந்த சில நாட்களாக ‘விஸ்வரூபம்’ திரைப்படப் பிரச்சினைகளை அறிந்து மிகவும் வேதனைப்படுகிறேன்.

எனது 40 ஆண்டுகால நண்பரான கமல் யாருடைய மனதையும் புண்படுத்தும்படியாக நடந்து கொள்ளாதவர் என்பதை நன்கு அறிவேன்.

இத்திரைப்படம் தணிக்கையான பின்பு திரையரங்குகளில் வெளியிடுவதற்கு முன்பே இஸ்லாமிய சகோதரர்களின் வேண்டுகோளை ஏற்றுக் கொண்டு அவர்களுக்கு திரையிட்டு காண்பித்ததிலிருந்தே இஸ்லாமிய சமூகத்தின் மீது கமல் கொண்டுள்ள மதிப்பையும், மரியாதையையும் தெள்ளத் தெளிவாக காட்டுகிறது.