எஸ்.பி.பி.சரண் மீதான பாலியல் வழக்கை வாபஸ் பெறுவதில் திடீர் சிக்கல்

எஸ்.பி.பி.சரண் மீது பாலியல் புகார் கொடுத்திருந்த கவர்ச்சி நடிகை சோனா, இருதரப்பினருக்கும் ஏற்பட்ட சமாதான பேச்சாலும், சரண் எழுத்து வடிவில் நடந்தவற்றிற்கு மன்னிப்பு கேட்டதாலும், இந்த வழக்கை வாபஸ் பெறுவதாக நேற்றே அறிவித்தார் சோனா.

இதன்படி நேற்று திநகர் காவல் நிலையத்திற்கு வந்த சோனா, தனது வழக்கை வாபஸ் பெற்றுக் கொள்வதாக மனு கொடுத்தார். ஆனால் அந்த மனுவை வாங்க மறுத்த தி.நகர் உதவி ஆணையர் கலைச்செல்வன், நீங்கள் கொடுத்த புகார் மனு பல்வேறு பிரிவுகளில் வழக்கு பதிவு செய்யப்பட்டு, நீதிமன்றத்திற்கு அனுப்பியாகிவிட்டது. எனவே இரு தரப்பினரும் நீதிமன்றத்தில் சென்று வழக்கை வாபஸ் பெற்றுக் கொள்ளுங்கள் என்று தெரிவித்திருக்கிறார். இதனால் இந்த வழக்கை வாபஸ் பெறுவதில் திடீர் சிக்கல் ஏற்பட்டுள்ளதாகத் தெரிகிறது