இதுவரை நான் சொல்லாதது: நடிகை த்ரிஷா சிறப்பு பேட்டி!

தமிழ், தெலுங்கில் முன்னணி நாயகியாக வலம் வந்து கொண்டிருக்கும் நடிகை த்ரிஷா, இதுவரை தான் சொல்லாத விஷயங்களை நம்முடன் பகிர்ந்து கொண்டுள்ளார்.

நிஜ/சினிமா பெயர்: த்ரிஷா

பிறந்தது: சென்னை

படிப்பு முடித்தது: எல்‌.கே.ஜி – பிளஸ்-2 : சர்ச் பார்க் பள்ளி, பி.பி.எம்., எத்திராஜ் கல்லூரி

முதல்படம்: ஒப்பந்தமானது ப்ரியதர்ஷன் படம். ஆனால் வெளிவந்தது மெளனம் பேசியதே(1999), தெலுங்கில் வர்ஷம்

முதல் படம் வெளியூர் சூட்டிங்: விக்ரமுடன் சாமி படத்தின் போது ‌நியூசிலாந்து சென்றது.

மறக்கமுடியாத நபர்: டயானா(இன்றும் அவரின் படங்களை பைல் பண்ணி வச்சிருக்கேன்)

அதிகமுறை பார்த்த படம்: ஆங்கில படங்கள், பெரிய லிஸ்ட்டே இருக்கு

அடிக்கடி பயன்படுத்தும் வார்த்தை: ஓ காட்

பிடித்த உணவு: அம்மா சமைக்கும் ப்ரியாணி

தவிர்க்க விரும்புவது: ஸ்வீட்ஸ்

முதல் காதல் அனுபவம்: நான் மிஸ் சென்னை பட்டம் பெற்ற போது, யாரோ ஒரு நபர் என் வீட்டுக்கு லவ் லெட்டர் அனுப்பியது.

சந்திக்க விரும்பும் நபர்: தெரஸா, டயானாவை சந்திக்க விரும்பினேன். முடியவில்லை. இப்போது ஒபாமாவை சந்திக்க விரும்புகிறேன்.

போக விரும்பிய வேலை: ஆஸ்திரேலியாவில் எம்.பி.ஏ., படித்துவிட்டு பெரிய கம்பெனியில் வேலைக்கு சேர நினைத்தேன்.

பிடித்த கலர்/உடை: பிங்க், ஜீன்ஸ்-டிசர்ட்

எதைப்பார்த்தால் பொறாமை வரும்: அழகா பாடுறவங்கள, குறிப்பா ஸ்ரேயா கோஷலை பார்த்தால்.

பயப்படும் ஒரே விஷயம்: எதுக்கும் பயம் இல்‌லாத தைரியசாலி நான்.

வெளிப்படையாக பேசி, மற்றவர்களிடம் மாட்டிக்கொண்ட அனுபவம்: மிஸ் சென்னை பட்டம் பெற்றபோது, ஒரு இன்டர்வியூவில் யூகி சேதுவிடம், சினிமாவிற்கு வரமாட்டேன் என்று பேசி மாட்டிக் கொண்டது.

அடிக்கடி ஞாபகத்துக்கு வர்ற விஷயம்: எல்.கே.ஜி.,யில் இருந்து பிளஸ்-2 வரை நான் படித்த சர்ச் பார்க் ஸ்கூல் நாட்களை என்னால் மறக்கவே முடியாது. கிட்டத்தட்ட என்னோட வீடு மாதிரி உணர்வேன்.

எந்த விஷயத்தில் அதிக ஆசை: சாக்லெட் ரொம்ப பிடிக்கும்

வீட்டில் அதிகம் சேர்த்து வைத்திருப்பது: ஷீ, பேக், பொம்மைகள், எனக்கு கொடுத்த பரிசுப்பொருட்கள், நிறைய கார்ட்ஸ் வச்சுருக்கேன்.

நன்றி சொல்ல விரும்புவது : எந்த சினிமா பின்னணியும் இல்லாம, என்னை சினிமாவில் நடிக்க அனுமதித்த அப்பா, அம்மா.

சுட்டு போட்டாலும் வரவே வராதுனு நினைக்கிற விஷயம்: தையல் ஒர்க், ஸ்கூலில் கிராப்ட் ப்ரியட் இருக்கும், அப்போ தையல் கத்து கொடுப்பாங்க, சுத்தமா வராம நிறைய ‌முறை மிஸ்கிட்ட பயங்கரமா திட்டு வாங்கியிருக்கேன்.

உணர்ச்சிவசப்பட்டால்: அழுதிடுவேன். 8-9 வருஷம் நான் வளர்த்த நாய் இறந்து பல மாதங்கள் ஆகியும், அதிலிருந்து வெளியில வர முடியல.

கிடைச்ச பாப்புலாரிட்டியை வைத்து உருப்படியா செய்ய நினைப்பது: இப்போதும், கேன்ஸர் இன்ஸ்டியூட், அனாதை இல்லங்கள் போயிட்டுதான் இருக்கேன். எதிர்காலத்தில் இன்னும் நிறைய உதவி செய்ய இருக்கேன்.

உங்க ப்ளஸ்: என் நம்பிக்கை

உங்க மைனஸ்: சின்னபுள்ளத் தனமான அசட்டுப் பிடிவாதம் பிடிப்பது.

ரொம்ப அலர்ஜி: எதுமே இல்லை

பிடிவாதம்: முன்னாடி எல்லாம் அம்மாகிட்ட எதுக்கு எடுத்தாலும் பிடிவாதம் பிடிப்பேன். ஆனா, இப்ப அந்த மாதிரி எதுவும் இல்லை. கொஞ்சம் மெச்சூர்டா இருக்கேன்.

மறக்க முடியாத நாள், வருஷம்: மிஸ் சென்னை – 1999, சாமி படம் ரிலீஸ் – மே 2003, தெலுங்கில் வருஷம் படம் ரிலீஸ் – 2004.