‘முந்தானை முடிச்சு’ இரண்டாம் பாகம் தயாராகிறது

நடிகர் பாக்யராஜ்-ஊர்வசி நடிப்பில் மாபெரும் வெற்றி பெற்ற படம் ‘முந்தானை முடிச்சு’. இந்த படத்தை பாக்யராஜ் இயக்கியிருந்தார். இப்படத்தில் வரும் முருங்கைக்காய் சமாச்சாரம் பட்டிதொட்டி எங்கும் பிரபலமானது. இளையராஜா இசையில் அனைத்து பாடல்களும் பயங்கர ஹிட்டாகின.

இந்நிலையில் இந்த படத்தின் இரண்டாம் பாகத்தை எடுக்க திட்டமிட்டிருக்கிறார்கள். இந்த படத்தில் விஜய் டிவியில் லொள்ளு சபா என்ற நிகழ்ச்சி மூலம் அறிமுகமாகி, தமிழ் சினிமாவில் காமெடி மற்றும் குணச்சித்திர வேடங்களில் நடித்து வந்த ஜீவா கதாநாயகன் ஆகிறார். இவருக்கு ஜோடியாக ரஷ்மி கவுதம் நடிக்கிறார். பாக்யராஜ், ஊர்வசி இருவரும் ஜீவாவின் பெற்றோர்களாக நடிக்கிறார்கள். மேலும் பாண்டியராஜன், சந்தானம் இருவரும் முக்கிய வேடங்களில் நடிக்கிறார்களாம்.

இந்த படத்தை ‘டூ’ என்ற படத்தை இயக்கிய ஸ்ரீராம் பத்மநாபன் இயக்குகிறார். அபிஷேக் இசையமைக்கிறார். பாடல்களை கவிஞர் வாலி, நா.முத்துக்குமார் ஆகிய இருவரும் எழுதியிருக்கிறார்கள். சி.ஆர்.மாறவர்மன் ஒளிப்பதிவு செய்கிறார். இப்படத்திற்கு ‘மாப்பிள்ளை விநாயகர்’ என்று பெயரிட்டிருக்கிறார்கள். படப்பிடிப்பு காரைக்குடியில் நடக்கிறது.