விஸ்வரூபம் ‘2-ம் பாகம்’ ‘மூ’ என்ற தலைப்பில் தயாராகிறது

‘விஸ்வரூபம்’ படத்தின் 2-ம் பாகம் விரைவில் தயாராகிறது. இப்படத்துக்கு ‘மூ’ என தலைப்பு வைத்துள்ளனர். கமலஹாசனே இயக்கி நடிக்கிறார். இதில் கமல் மூன்று வேடங்களில் வருகிறார்.

ஏற்கனவே டி.வி. பேட்டியொன்றில் ‘மூ’ படத்தின் தலைப்பை விரைவில் பதிவு செய்வேன் என்றார். ‘மூ’ என்பது மூன்று பேரை குறிக்கும் சொல் என்றும் கூறினார்.

'தசாவதாரம்' படத்தில் கமல் பத்து வேடங்களில் நடித்தார். ‘மூ’ படத்தில் மூன்று வேடங்களையும் வித்தியாசப்படுத்தி காட்டப்போகிறாராம். ‘விஸ்வரூபம்’ படப்பிடிப்பு நடந்தபோதே ‘மூ’ படத்துக்கான சில காட்சிகளும் எடுக்கப்பட்டு விட்டதாக கூறப்படுகிறது. மீதமுள்ள காட்சிகள் அமெரிக்காவில் படமாக உள்ளது. இதுவும் தீவிரவாதிகள் பற்றிய கதை.

தீவிரவாதி முல்லா உமர் அமெரிக்காவில் இருந்து தப்புவதுபோல் ‘விஸ்வரூபம்’ படத்தை கமல் முடித்துள்ளார். இரண்டாம் பகுதியில் முல்லா உமர் இந்தியாவில் நாசவேலைகளில் ஈடுபட திட்டமிடுவது போன்றும் அதனை கமல் முறியடிப்பது போன்றும் திரைக்கதை உருவாகியுள்ளது. இந்த படத்தை ஆங்கிலத்திலும் ரிலீஸ் செய்ய முடிவெடுத்துள்ளார்.