நடிகர் வடிவேலு மகள் திருமணம்: அரசியல் தலைவர்கள், நடிகர்களுக்கு அழைப்பு

நடிகர் வடிவேலு 1991-ல் என்ராசாவின் மனசிலே என்ற படம் மூலம் சினிமாவில் அறிமுகமானார். தொடர்ந்து முன்னணி நடிகர்களுடன் ஏராளமான படங்களில் நடித்தார். சொந்த குரலில் நிறைய பாடல்களும் பாடி உள்ளார். கடந்த சட்ட மன்ற தேர்தலில் தி.மு.க.வுக்கு ஆதரவாக பிரசாரம் செய்ததால் சினிமாவில் பின்னடைவு ஏற்பட்டது.

தேர்தலுக்கு பிறகு புதுப்படங்களில் நடிக்காமல் ஒதுங்கி இருந்தார். நீண்ட இடைவெளிக்கு பிறகு ‘தெனாலிராமன்’ என்ற படத்தில் இரட்டை வேடத்தில் நடிக்க ஒப்பந்தமாகியுள்ளார். யுவராஜ் இயக்குகிறார். இதன் படப்பிடிப்பு விரைவில் துவங்க உள்ளது.

இந்த நிலையில் தனது மூத்த மகள் திருமணத்தை நடத்தவும் ஏற்பாடு செய்து வருகிறார். ஏப்ரல் 7-ந்தேதி மதுரையில் இந்த திருமணம் நடக்கிறது. இதற்காக திருமண அழைப்பிதழ் அச்சிடும் பணி நடக்கிறது. அரசியல் கட்சி தலைவர்கள், மற்றும் நடிகர், நடிகைகளுக்கு திருமண அழைப்பிதழ் கொடுத்து அழைக்க இருக்கிறார். திருமணம் முடிந்த பிறகு முழு வீச்சில் சினிமாவில் நடிக்க முடிவு செய்துள்ளார்.