திரைபிரபலங்களுடன் பத்திரிகையாளர்களை சந்தித்தார் கமல்

விஸ்வரூபம் படத்தை டிடிஹெச் சில் வெளியிட்டால் திரையரங்கில் விஸ்வரூபத்தை வெளியிட மாட்டோம் என்று சொல்லி வந்தவர்கள் கமலின் பழைய, புதிய படங்கள் எதையும் வெளியிட மாட்டோம் என்று மிரட்டலின் தொனியில் காரத்தை கலந்திருக்கிறார்கள். அப்படியா விஷயம்... 390 திரையரங்கு உரிமையாளர்கள் விஸ்வரூபத்தை வெளியிட தயாராக இருக்கிறார்கள் என கமல் சொல்ல, எதிரணியின் மசாலா தூவல் அதிகமானது.

விஸ்வரூபத்தை எந்தெந்த திரையரங்குகள் வெளியிடுகிறதோ, அந்தத் திரையரங்குகளில் வெளியாகும் எந்தப் படத்தை வெளியிட மாட்டோம் என்று வெறிக்கூச்சல் கிளப்பினார்கள். இப்படியொரு எதிர்ப்பு நிலையில் இரண்டாவது முறையாக பாரதிராஜா, கேயார், திருப்பூர் சுப்பிரமணியம், எஸ்.ஏ.சந்திரசேகரன் என திரைபிரபலங்களுடன் பத்திரிகையாளர்களை சந்தித்தார் கமல்.