விஸ்வரூபத்தை தடை செய்ய வேண்டாம் என்று ரஜினி கோரிக்கை

விஸ்வரூபம் திரைப்படத்தை முழுமையாக தடை செய்யாமல்,
கதைக்கு பாதிப்பு வராத வகையில் அதனை வெளியிட உதவுமாறு முன்னணி நடிகர்
ரஜினிகாந்த் இஸ்லாமியர்களைக் கேட்டிருக்கிறார்.

கமலஹாசன் ஒரு சிறந்த கலைஞர் என்று கூறியுள்ள
ரஜினிகாந்த், கமல்ஹாசன் இஸ்லாமியர்கள் மீது நல்ல மதிப்பு கொண்டவர் என்றும்
கூறியிருப்பதுடன், இந்தப் படம் தடை செய்யப்படுவதால் கமல்ஹாசனுக்கு பெரும்
பாதிப்பு ஏற்படும் என்றும் வருத்தம் தெரிவித்திருக்கிறார்.

இதற்கிடையே தமிழகம், இலங்கை, பாண்டிச்சேரி மற்றும்
பங்களூர் தவிர்ந்த உலகின் பல இடங்களில் விஸ்வரூபம் வெள்ளியன்று
வெளியிடப்பட்டுள்ளது.

ஆந்திர மாநிலத்தில் ஹைதராபாத் தவிர்ந்த ஏனைய இடங்களில் அது வெளியிடப்பட்டுள்ளது.