மனம் விரும்பிய மணாளன் கிடைப்பார்

திருப்பூர் மாவட்டம் தாராபுரத்தில் அமராவதி ஆற்றங்கரையோரம் தில்லாபுரி அம்மன் கோவில் உள்ளது. 1500 ஆண்டுகள் பழமை வாய்ந்த இந்த கோவிலில் சப்த கன்னியருக்கு(7 கன்னிமார்) தனி சன்னதி உள்ளது. சிதிலமடைந்த நிலையில் இருந்த இந்த கோவிலில் கடந்த 2 ஆண்டுகளுக்கு முன்பு திருப்பணி நடந்தது.

நீண்ட நாட்களாக திருமணம் தடைபடுவோர் இந்த ஆலயத்துக்கு வந்து சப்த கன்னியரை தரிசித்தால் அவர்களுக்கு விரைவில் திருமணம் கைகூடும் என்பது ஐதீகமாக உள்ளது.

அதேபால் திருமணமாகாத கன்னிப் பெண்கள் வெள்ளிக்கிழமை தோறும் தில்லாபுரி அம்மன் ஆலயத்துக்கு வந்து சப்த கன்னியரை தரிசித்தால் அவர்களுக்கு மனம் நிறைந்த மணாளன் கிடைப்பான் என்பதும் நம்பிக்கை. குடும்பத்தில் நிலவும் சண்டை, சச்சரவு மற்றும் நோய்கள் நீங்கவும் பக்தர்கள் சப்த கன்னியரை தரிசித்து செல்கிறார்கள்.