பிரியாணியில் பாடுகிறார் சிம்பு.

கொலிவுட்டில் கார்த்தி, ஹன்சிகா மோத்வானி நடிப்பில் வெங்கட்பிரபு இயக்கும் பிரியாணியில் யுவன்சங்கர் ராஜா இசையமைத்திருக்கிறார்.

மங்காத்தா வெற்றிக்குப் பின்பு இயக்குனர் வெங்கட்பிரபுடன் கைகோர்த்து களமிறங்கியிருகிறார் யுவன்.

தனது 100வது படம் என்பதால் இசைக்கு அதிக முக்கியத்துவம் கொடுத்து, புதுவித யுக்திகளையும் கையாண்டு வருகிறார் யுவன்சங்கர் ராஜா.

அதன்படி, நடிகர் கார்த்தி, பிரேம்ஜி அமரன் ஆகிய இருவரையும் இணைத்து ஒரு பாடலை பாட வைத்துள்ளார்.

தற்போது நடிகர் சிம்புவும் இப்படத்தில் ஒரு பாடலை பாடியிருப்பதாக தகவல்கள் தெரிவிக்கப்படுகிறது.

சிம்புவும், யுவன்சங்கர் ராஜாவும் இணைந்து பாடியுள்ள பாடல்கள் ரசிகர்களிடம் பெரும் வரவேற்பைப் பெற்றுள்ளன.

இந்நிலையில் இந்த பாடலும் பெரும் வரவேற்பை பெறுவதோடு இப்படத்திற்க்கு, மேலும் பலம் சேர்க்கும் என்று எதிர்பார்க்கப்படுகிறது.