கரிகாலன் டீமை அம்போவென்று விட்ட அம்பி விக்ரம்!

தாண்டவம், ஐ படங்களில் நடிப்பதற்கு முன்பே விக்ரம் நடிக்க கமிட்டான படம் கரிகாலன். இந்த வரலாற்றுப் படத்திற்கேற்ப பல மாதங்களாக தனது உடல்கட்டையும் ஏற்றி கம்பீரமாக போட்டோ செசனுக்கும் போஸ் கொடுத்தார் விக்ரம். அதோடு பல நாட்கள் படப்பிடிப்பும் நடந்தது. ஆனால் திடீரென்று படத்தின் கதை எனக்கு சொந்தமானது என்று ஒரு உதவி இயக்குனர் திடீரென்று கொடிபிடிக்க மனசுடைந்து விட்டார் விக்ரம். ஏற்கனவே தெய்வத்திருமகள் படத்தில் டைட்டீல் பிரச்னையிலிருந்து அப்போதுதான் மீண்டு வந்திருந்தவருக்கு அது பெரிய தலைவலியாக அமைந்தது.

அந்த பிரச்னையை அடுத்து படப்பிடிப்பும் நிறுத்தப்பட்டிருந்தால் உடனடியாக டேவிட், ஐ படங்களுக்கு கால்சீட் கொடுத்து விட்டார். இதனால் கரிகாலன் படம் இப்போது அம்போவென்று நிற்கிறது. விக்ரம் எப்போது வருவார் எப்போது படப்பிடிப்பை தொடருவது என்பது தெரியாமல் கையை பிசைந்து கொண்டு நிற்கிறார்கள். ஏற்கனவே 2 கோடிக்கும் மேல் இதுவரை செலவு செய்து விட்ட படாதிபதி, சமீபத்தில் விக்ரமை சந்தித்து எப்போது படப்பிடிப்பை வச்சிக்கலாம் என்று கேட்டதற்கு, எந்த பதிலும் சொல்லாமல் நழுவி விட்டாராம். இதனால் என்ன செய்வதென்றே புரியாமல் நிற்கிறது கரிகாலன் டீம்.