துளசியின் பால் வடியும் முகத்தை மாற்றும் முயற்சியில் ராதா.

ராதாவின் இளைய மகளான துளசி கடல் படத்தில் நடித்து தமிழ், தெலுங்கு என இரண்டு மொழிகளிலும் ஒரே நேரத்தில் அறிமுகமானார். இந்நிலையில், தற்போது தமிழில் ஜீவாவுக்கு ஜோடியாக யான் படத்தில் நடித்து வருகிறார்.

இதையடுத்து தெலுங்கு படங்களில் நடிப்பதில் அதிக ஆர்வமாக இருக்கும் துளசி தற்போது தாய்குலத்துடன் ஐதராபாத்தில் உள்ள ஒரு ஸ்டார் ஹோட்டலில் முகாமிட்டு, பிரபல சினிமா கம்பெனிகளுக்கு படையெடுத்து வருகிறார்.

இதற்கு காரணம் பெரும்பாலும் தமிழ், இந்தி சினிமாவை விட தெலுங்கு சினிமாதான் நடிகைகளுக்கு நல்லதொரு அங்கீகாரத்தை கொடுக்கும் என்பது மாஜி நடிகையான அம்மா ராதாவின் அனுபவமாம். அதனால் முதலில் மகளை ஆந்திராவில் உச்ச நடிகையாக்கி விட வேண்டும் என்று தீவிரம் காட்டி வருகிறார்.

ஆனால் வாய்ப்பு கேட்டு சென்ற சில கம்பெனிகளில் இன்னமும் துளசி பால்வடியும் முகமாகத்தான் இருக்கிறார். இவரை வைத்து எப்படி கமர்சியல் படம் பண்ண முடியும் என்று கேள்வி எழுப்பியுள்ளனர்.

இதற்கு பதிலளித்த ராதா, இன்னும் இரண்டு மாத கால அவகாசத்தில் என் மகளை சிறந்த கமர்சியல் நடிகையாக்கி காட்டுகிறேன். அதன் பின்பு அவளை அடிச்சிக்க இங்கு ஆளிருக்காது என்று கூறியுள்ளார். இதனால் துளசியின் உடல்கட்டு, முகவெட்டை வசீகரப்படுத்தும் முயற்சியில் இறங்கியிருக்கிறார் ராதா