புதுமுகத்துடன் ஜோடி சேரும் ஹன்சிகா.

தற்போது முன்னணி நடிகையாக வலம் வரும் ஹன்சிகா, புதுமுகம் நடிகர் ஒருவருடன் நடிக்க இருக்கிறார். அதாவது, ஹன்சிகாவின் அம்மாவுக்கு நடிகை ஜெயப்பிரதா என்றால் அவ்வளவு இஷ்டமாம். இந்தியில் சுமார் 150 படங்களுக்கு மேல் நடித்திருக்கும் ஜெயப்பிரதா, நாயகியாக நடித்த காலத்தில் ஹன்சிகாவின் அம்மா மோனா செம யூத்தாக இருந்தார். அதனால் அவர் காலத்து கனவுக்கன்னி ஜெயப்பிரதாதான்.

இந்த நேரத்தில் ஜெயப்பிரதாவே போன் பண்ணி உங்க மகள் என் பையன் சித்தார்த்துடன் நடிக்கணும் என்றால், வேண்டாம் என்றா சொல்வார்? சட்டென்று சம்மதித்துவிட்டாராம். வாலிபன் என்ற பெயரில் உருவாகி வரும் இப்படத்தை சத்யம் ராஜசேகர் இயக்கி வருகிறார்.

அடிப்படையில் சித்தார்த் ஒரு விளையாட்டு வீரர் என்பதால், அவரது அறிமுக காட்சியையே ஒரு விளையாட்டு மைதானத்தில் வைத்திருக்கிறார்களாம்.