கவுண்டமணி பற்றி இப்படியும் ஒரு வதந்தி!

நடிகர் கவுண்டமணி வாய்மை படத்தின் மூலம் ரீஎன்ட்ரி கொடுத்திருக்கிறார். அவருக்கு இன்று பிறந்த நாள் என்று பேஸ்புக், ஆர்குட் மற்றும் இணையதளங்களில் தகவல் பரவியது. இதையடுத்து கவுண்டமணியின் வீட்டிற்கு தொலைபேசி கால்கள் தொடர்ந்து தொல்லை கொடுத்து வந்த நிலையில், ஓய்வு எடுக்கமுடியாமல் வருத்தமடைந்த கவுண்டமணி தனக்கு தெரிந்த நிருபர்களை தொடர்பு கொண்டு எனக்கு மே 25ம் தேதி தான் பிறந்த நாள். இன்று இ‌ல்லை. இதனை இணையதளங்களில் வெளியிடுமாறு கேட்டுக் கொண்டுள்ளார். கவுண்டமணி பற்றி பல்வேறு வதந்திகள் பரவி வந்த நிலையில் தற்போது இப்படியும் ஒரு வதந்தி பரவியுள்ளது.