விஷப்பாம்புகளும் எவ்வித பயமும் இல்லாமல் ஆடி அசத்தும் எமிஜாக்சனின் வீரம்!

கொலிவுட்டில் இயக்குனர் விஜய் இயக்கத்தில் ஆர்யாவுக்கு ஜோடியாக மதராசப்பட்டினம் படத்தில் நடித்தவர் எமி ஜாக்சன். நடிகை எமி ஜாக்சன் ஆங்கிலப்படங்களில் படு கவர்ச்சியாகத் தான் நடித்து வந்தார். அப்படி நடித்தவரைத் தான் கொலிவுட்டில் ரொம்ப டீசன்டாக காண்பித்தார் இயக்குனர் விஜய். அதனால், தமிழ் சினிமாவுக்கேற்ப இப்போது தன்னை முழுவதுமாக மாற்றிக்கொண்டு, சிறிதாக கவர்ச்சியைக் காண்பித்து வருகிறார் எமி ஜாக்சன். இந்நிலையில், தாண்டவம் படத்தையடுத்து தற்போது ஷங்கரின் ஐ படத்திலும் விகரமுக்கு ஜோடியாக நடித்து வரும் எமி, ஒரு பாடல் காட்சியில் சைனீஸ் நடனமாடியுள்ளார்.

இந்த நடனத்தில் அவருக்கு பயிற்சி இல்லாதபோதும், சில வாரங்களிலேயே முறையாக பயிற்சி எடுத்து ஆடி அனைவரையும் ஆச்சர்யத்தில் ஆழ்த்தியிருககிறார். மேலும், அந்த பாடல் காட்சியில் எமிஜாக்சனுடன் விஷப்பாம்புகளும் நடனமாடுவது போன்றும் படமாக்கியுள்ளாராம் ஷங்கர்.

ஆனால் தன்னருகே பல பாம்புகள் நெளிந்து கொண்டு சென்ற போதும் எந்த அச்சமும் இல்லாமல் துணிச்சலாக நடனமாடியிருக்கிறார் எமி. அதையடுத்து, பாம்மைக்கண்டால் படையும் நடுங்கும் என்பார்கள், ஆனால் இந்த நடிகைக்கு துளியும் பயமில்லையே என்று கொலிவுட் வட்டாரங்கள் எமிஜாக்சனின் தைரியத்தை பெருமையாக பேசி வருகின்றனர்.