5வது முறையாக மொட்டை போட்ட சத்யராஜ்.

தெலுங்கில் பிரபாஸ் நாயகனாக நடித்து உருவாகும் பாகுபலி படத்திற்காக நடிகர் சத்யராஜ் 5வது முறையாக மொட்டை போட்டிருக்கிறார்.

100வது நாள் படத்தில் நடித்த போது முதன் முறையாக மொட்டை போட்ட சத்யராஜ் அடுத்தடுத்து மூன்று முறை படங்களில் மொட்டை போட்டு நடித்திருக்கிறார்.

கடைசியாக இவர் மாறன் படத்திற்காக மொட்டை போட்டிருந்தார். அதன் பின்பு வேறு எந்த படங்களிலும் மொட்டை போட்டு நடிக்கவில்லை.

இந்நிலையில் தெலுங்கு படத்திற்காக சத்யராஜ் 5வது முறையாக மீண்டும் மொட்டை போட்டு இருக்கிறார்.

பிரபாஸ் நாயகனாக நடிக்கும் இந்தப் படத்திற்கு ‘பாகுபலி’ என பெயரிடப்பட்டுள்ளது. இதில் சத்யராஜ் மன்னனின் தளபதியாக கப்பா என்கிற கதாபாத்திரத்தில் நடிக்கிறார்.

சுமார் ரூ.150 கோடி பொருட்செலவில் சரித்திர படமாக தயாராகும் இப்படத்திற்காக சத்யராஜ் முறையான குதிரையேற்றம், வாள் சண்டை போன்ற பயிற்சிகளை கற்று வருகிறார்.