தனுஷை யோசிக்க வைத்த போலீஸ் வேடம்!

கட்டுமஸ்தான கம்பீரமான நடிகர்களுக்குத்தான் காக்கி சட்டை அணிந்த போலீஸ் வேடம் கனகச்சிதமாக இருக்கும். அந்த வரிசையில் கமல், ரஜினி, அஜீத், விஜய், சூர்யா, விஷால் போன்ற நடிகர்கள் போலீஸ் வேடத்தில் நடித்துள்ளனர். ஆனால் தற்போது சிவகார்த்திகேயனை வைத்து எதிர்நீச்சல் படத்தை இயக்கி வரும் செந்தில்குமார், தனுசுக்கு ஒரு போலீஸ் கதை சொன்னாராம். கதையை முழுசுமாக கேட்ட தனுசுக்கு அவர் கதை சொன்ன விதம் ரொம்ப பிடித்து விட்டதாம்.

அதனால். இதுவரை தான் நடிக்காத போலீஸ் வேடத்தில் கண்டிப்பாக நடித்து விட வேண்டும் என்று மனசுக்குள் ஆசையை வளர்த்துக்கொண்டிருந்தாராம் தனுஷ். ஆனால், அதுபற்றி அவர் தனது அபிமானத்திற்குரியவர்களிடம் சொன்னபோது, அவரை மேலும் கீழும் பார்த்தார்களாம். என்னாச்சு, நான் எதுவும் தப்பா சொல்லிட்டேனா? என்று தனுஷ் கேட்டாராம். அதற்கு, போலீஸ் வேடம்னா காக்கி சட்டை போட்டுக்கிட்டு நடிக்கனும். உங்களோட காய்ஞ்ச சுள்ளான் உடம்பு அந்த டிரஸ்ஸ தாங்குமா? அவருதான் கதை சொன்னா, நீங்க நமக்கு செட்டாகுமான்னு யோசிக்க வேண்டாமா? என்று தனுஷைக் கேட்டார்களாம். அதன்பிறகுதான் அதுவும் சரிதான் என்று யோசிக்க ஆரம்பித்தாராம் தனுஷ்.