இதயத்தை பலப்படுத்த தக்காளி மாத்திரை அறிமுகம்!

தக்காளி பழம் மற்றும் தக்காளிப் பழத்தின் ஜூஸ் இவைகள் உடல்நலத்துக்கு பல வகையிலும் நன்மை அளிக்கிறது.

இந்த உண்மை ஏற்கனவே பல கண்டுபிடிப்புக்கள் மூலம் நிரூபணமாகியுள்ளது.

சாதரணமாக சருமத்தின் வைட்டமின் குறைவினால் ஏற்படும் சுருக்கம், அதோடு மிகவும் வெயிலில் அலைவதால் ஏற்படும் சருமப் பிரச்சனைகளையும் தக்காளி தீர்க்கிறது என்று மருத்துவர்கள் தக்காளி பழம் சாப்பிட சிபாரிசு செய்கின்றனர்.

இதை எல்லாம் விட, தக்காளியால் ஆன மாத்திரை ஒன்றை இதய நோயாளிகளுக்கு இதயத்தைப் பலப்படுத்தும் வகையில் கண்டு பிடித்துள்ளனர் விஞ்ஞானிகள். அடெரொனொன் கேப்சூல் என பெயரிடப்பட்டுள்ள இந்த மாத்திரை ரத்தக் குழாயினுள் கொழுப்புகள் படிவத்தை எதிர்த்து, ரத்தக் குழாய்களின் ரத்த ஓட்டத்தை சீராக ஓட வைக்கும். இதன் மூலம் இதய நோயாளிகளுக்கு 50 சதவிகிதம் நிவாரணம் கிடைக்கும் என்றும் விஞ்ஞானிகள் கூறுகின்றனர்.

அது மட்டுமல்லாமல் இந்த மாத்திரை மூட்டுவலி, சர்க்கரை நோய், புற்றுநோய் இவைகளைத் தவிர்க்கவும் வரப்பிரசாதமாக இருக்கும் என்றும் தெரிவித்துள்ளனர். பரிசோதனை ஆய்வில் இருக்கும் இந்த மாத்திரை விரைவில் பயன்பாட்டுக்கு வரும் என்றும் தெரிகிறது.