விஜய் படத்தில் நடிக்க காஜல் தங்கை நிஷா மறுப்பு

விஜய் தற்போது நடித்துக் கொண்டிருக்கும் ‘தலைவா’ படத்திற்கு புதுமுக இயக்குனர் நேசன் இயக்கும் ‘ஜில்லா’ படத்தில் நடிக்கிறார். இப்படத்தின் துவக்கவிழா சில நாட்களுக்கு முன்பு நடந்தது.

இப்படத்தில விஜய்-க்கு ஜோடியாக காஜல் அகர்வால் நடிக்கிறார். மேலும் மலையாள சூப்பர் ஸ்டார் மோகன்லால், மகத் ஆகியோரும் நடிக்கின்றனர். ஆர்.பி.சவுத்ரியின் சூப்பர் குட் பிலிம்ஸ் இப்படத்தை தயாரிக்கிறது. தமிழ், மலையாளம் என இருமொழிகளிலும் ஒரே நேரத்தில் தயாராகவிருக்கிறது.

இப்படத்தில் மகத்துக்கு ஜோடியாக நடிக்க காஜல் அகர்வாலின் தங்கையான நிஷா அகர்வாலிடம் கேட்டனர். ஆனால் நிஷா மறுப்பு சொல்வதற்கு முன்பே, காஜல் தன்னுடைய தங்கை சின்ன நடிகர்களுடன் நடிக்கமாட்டார். பெரிய நடிகர்களுடன் மட்டும்தான் நடிப்பார் என கூறிவிட்டாராம்.

நிஷா அகர்வால் தமிழில் ‘இஷ்டம்’ என்ற படத்தில் நடித்தார். அந்த படம் அவருக்கு சரியான அங்கீகாரத்தை கொடுக்கவில்லை. இந்நிலையில் விஜய் படத்தில் நடிக்கும் வாய்ப்பையும் அவர் மறுத்துள்ளது கோலிவுட்டில் சலசலப்பை ஏற்படுத்தியுள்ளது.