சிறந்த நடிகை என்பதை நிரூபித்து காட்டுவேன்: தமன்னா

தமன்னா இந்தியில் நடித்த ‘ஹிம்மத் வாலா’ படம் தோல்வி அடைந்துள்ளது. இதில் அஜய் தேவ்கான் ஜோடியாக நடித்தார். ஏற்கனவே 1983-ல் ஜிதேந்திரா ஸ்ரீதேவி ஜோடியாக நடித்து ரிலீசான ‘ஹிம்மத் வாலா’ படத்தின் ரீமேக்கே இப்படம். இதில் ஸ்ரீதேவி வேடத்தில் தமன்னா நடித்தார். இப்படம் எதிர்பார்த்த வசூல் ஈட்டவில்லை. விநியோகஸ்தர்களும் திரையரங்கு உரிமையாளர்களும் நஷ்டம் அடைந்துள்ளனர்.

இதுகுறித்து தமன்னா அளித்த பேட்டி வருமாறு:-

கதாநாயகிகள் தங்களுடைய ஒவ்வொரு படமும் ஜெயிக்க வேண்டும் என்றுதான் விரும்புகிறார்கள். ஆனால் வெற்றி தோல்வி ரசிகர்கள் கையில் இருக்கிறது. ‘ஹிம்மத் வாலா’ சரியாக போகவில்லை என்பதற்காக கவலைப்படவில்லை. தோல்வியையே நினைத்துக் கொண்டு இருப்பது எனக்கு பிடிக்காது. மேலும் இரு மடங்கு வேகத்தில் புதுப்படத்தில் நடிக்க தயாராகிறேன்.

பழைய ‘ஹிம்மத் வாலா’ படத்தில் ஸ்ரீதேவி நாயகியாக நடித்து இருந்தார். ரசிகர்கள் ஸ்ரீதேவியோடு ஒப்பிட்டு என் நடிப்பை பார்த்ததால் ஏமற்றம் அடைந்தனர். ஸ்ரீதேவி சகாப்தம் அவரோடு யாரையும் ஒப்பிட முடியாது. ஸ்ரீதேவி இடத்தை யாராலும் நிரப்பவும் முடியாது. ஸ்ரீதேவிக்கு இணையாக யாரும் நடிக்க முடியாது. முடிந்தவரை என் நடிப்பை வெளிப்படுத்தினேன். இன்னொரு இந்திப் படத்தில் நடிக்கவும் வாய்ப்பு வந்துள்ளது. அப்படத்தில் சிறந்த நடிகை என்பதை நிரூபித்து காட்டுவேன்.

இவ்வாறு தமன்னா கூறினார்.