கௌதமின் துருவ நட்சத்திரம் பர்ஸ்ட் லுக்

என்னதான் சொல்லுங்க. வழக்கமான பாணியிலிருந்து விலகி அட்லீஸ்ட் பட போஸ்டரையாவது தரக்கூடியவர்தான் கௌதம் வாசுதேவ மேனன். நடுநிசி நாய்கள், நீதானே என்பொன்வசந்தம் இரண்டும் சரியாகப் போகாமலிருந்திருக்கலாம். அதற்காக மின்னலே, காக்க காக்க, வேட்டையாடு விளையாடு, வாரணம் ஆயிரம், விண்ணைத்தாண்டி வருவாயா படங்களை மறக்க முடியுமா? அவரின் அடுத்த அதிரடி துருவ நட்சத்திரம்.
FILE

சூர்யா, ரஹ்மான் என்று வெயிட்டான காம்பினேஷன். இன்று படத்தின் பர்ஸ்ட் லுக்கை வெளியிடுகிறார் என்ற போது எல்லோருக்கும் கட்டுக்கடங்காத ஆவல். சூர்யாவை எப்படி காட்டப் போகிறாரோ என்று. ஆனால் எந்த இமேஜும் இல்லாம் சில பெயர்களையும், சில அடித்தல் திருத்த குறிப்புகளையும் மட்டும் வைத்து பில்டப்பை கண்டபடி ஏற்றியிருக்கிறார்.

படத்தின் பர்ஸ்ட் லுக்கிலிருந்து தெரியவரும் சேதி...

1. படம் ஒரு க்ரைம் த்ரில்லர்

2. என் 12 வது மனிதனை தேடிக் கொண்டிருக்கிறேன் என்று இருப்பதால் இதுவொரு பழி வாங்கும் கதையாகவோ துப்பறியும் கதையாகவோ இருக்கலாம்.

3. முகம் தெரியாத ஹீரோவுக்கு பேஸ்மெண்ட் என்று பெயர் தரப்பட்டிருக்கிறது.

4. ஆபிசஸ் ஆஃப் கே என்ற குறிப்பு ஹீரோவை குறிப்பதாக இருக்கலாம் பிரபல நாவலாசிரியர் காப்காவின் விசாரணை நாவலில் வரும் ஹீரோவின் பெயரும் கே தான்.

மே 2 ஆம் தேதி கௌதம் துருவ நட்சத்திரத்தை தொடங்குகிறார்.

வானில் பல கோடி நட்சத்திரங்கள் இருந்தாலும் ஒரே இடத்தில் ஆணி அடித்த மாதிரி கொஞ்சம் பிரகாசமாக தெரியக் கூடியது துருவ நட்சத்திரம். கடலிலும், காட்டிலும் வழி தவறியவர்களுக்கு இந்த நட்சத்திரம்தான் திசைகளை அறியும் வழிகாட்டி.