சிங்கம் பாருங்க சின்சியரா இருங்க

இந்த மேட்டர் நடந்தது உத்தர பிரதேசத்தி‌ல், நாளை அது இங்கே நடந்தாலும் ஆச்ச‌ரியமில்லை. எதுக்கும் தெ‌ரிந்து வைத்திருப்பது நல்லது.

உத்தர பிரதேச போலீஸாருக்கு ஒரு சுற்ற‌ரிக்கை வந்தது. அதில் சில படங்களை குறிப்பிட்டு, அந்தப் படங்களில் காட்டப்படும் போலீஸ்காரர்கள் தீவிரமாக சமூக விரோதிகளை வேட்டையாடுவது போல், நீங்களும் அந்தப் படங்களைப் பார்த்து அதேபோல் ஆக்ரோஷமாக வேலை செய்யுங்கள் என அதில் கூறப்பட்டிருந்தது. சுற்றிக்கை அனுப்பியது உயர் போலீஸ் அதிகா‌ரி. அவர் குறிப்பிட்டிருந்த படங்கள் சிங்கம் (தமிழ் சிங்கத்தின் இந்தி ரீமேக்), தபாங், அப் தக் சப்பான்.

இந்த மூன்றில் சிங்கத்தின் கதை தெ‌ரியும். தபாங் ரவுடி போலீஸின் கதை. காசு வாங்கிக் கொண்டு கச்சடா வேலை செய்கிற போலீஸ். அப் தக் சப்பானில் நடித்தது நானா படேகர். படம் முழுக்க குற்றவாளிகளை குருவி சுடுவது போல் சுட்டுக் கொண்டேயிருப்பார்.

உத்தர பிரதேச அதிகா‌ரியின் ப‌ரிந்துரையைப் பார்த்தால், நீங்க (போலீஸ்) என்ன வேணா செய்யுங்க, லஞ்சம் வாங்குங்க, சட்டத்தை உங்க வசதிக்கேற்ப மாத்துங்க, என் கவுண்டால் எல்லோரையும் போட்டுத் தள்ளுங்க என்பது மாதி‌ரி இருக்கிறது.

நாடு போகிற போக்கைப் பார்த்தால் லாக்கப்பில் கற்பழிப்பது எப்படின்னு சொல்லித் தருவாங்க போலிருக்கு.