சத்யரா‌ஜ் இருக்கிறார் ஸ்ரீதேவி இல்லை

கடந்த இரண்டு நாள்களாக அலையடித்துக் கொண்டிருந்த வதந்திக்கு முற்றுப்புள்ளி வைக்கப்பட்டிருக்கிறது. சத்யரா‌ஜ் நடிக்கும் எஸ்எஸ் ராஜமௌலியின் பாகுபலி படத்தில் ஸ்ரீதேவியும் நடிக்கவில்லை என்பதுதான் அது.

பிரமாண்டமாக தயாராகும் பாகுபலியில் பிரபாஸ், ராணா நடிக்கின்றனர். சமீபத்தில் சத்யராஜும் முக்கியமான வேடம் ஒன்றில் நடிக்க ஒப்பந்தம் செய்யப்பட்டார். இந்நிலையில் ஸ்ரீதேவி மற்றும் சுஷ்மிதா சென்னை ராஜமௌலி ஒப்பந்தம் செய்ததாக பேச்சு. இரண்டு நாட்கள் ஆந்திராவை தாண்டி தமிழகத்திலும் இந்த செய்தி அலையடித்தது.

ராஜமௌலி இதனை மறுத்துள்ளார். ஸ்ரீதேவியையோ, சுஷ்மிதா சென்னையோ தனது படத்துக்காக அணுகவில்லை என்று தெரிவித்தவர், சத்யரா‌ஜ் நடிப்பதை மட்டும் உறுதி செய்திருக்கிறார். பாகுபலி தெலுங்கு, தமிழ் இரு மொழிகளில் தயாராகிறது.