சுறா ரிலீஸ் மீண்டும் தள்ளி வைப்பு?

விஜய் நடிக்கும் சுறா படத்தின் பாடல்களை இன்று வெளியாகின்றன. மணிஷர்மா இசையில் உருவாகியுள்ள இந்தப் பாடல்களை இன்று மாலை சென்னையில் வெளியிடுகிறார்கள்.

சேத்பட் ஹாரிங்டன் சாலையில் உள்ள லேடி ஆண்டாள் பள்ளி அரங்கில் நடக்கும் இந்த ஆடியோ வெளியீட்டு விழாவில் விஜய் – தமன்னா, வடிவேலுவுடன் திரையுலக பிரமுகர்கள் திரளாகப் பங்கேற்கிறார்கள்.

பாடல்களை திங்க் மியூசிக் வெளியிட்டுள்ளது.

சன் தொலைக்காட்சிக்காக நடைபெறும் நிகழ்ச்சி என்பதால் பத்திரிகையாளர்கள், புகைப்படக்காரர்கள் யாரும் நிகழ்ச்சிக்கு அழைக்கப்படவில்லை என்பது குறிப்பிடத்தக்கது.

சுறா படப்பிடிப்பு முழுவதுமாக முடிந்துவிட்டது. முதலில் ஏப்ரல் 14-ம் தேதி படம் வெளியாகும் என்று கூறப்பட்டது. இப்போது ஏப்ரல் இறுதி வாரம் அல்லது மே முதல் வாரத்துக்கு தள்ளிப் போய்விட்டதாகக் கூறப்படுகிறது. ரிலீஸ் தேதி இன்றைய விழாவில் அறிவிக்கப்படுகிறது.