களவாணி ஓவியாவுக்கு குவியும் வாய்ப்புகள்!

களவாணி படத்தில் நடித்த கேரளத்து பைங்கிளி ஓவியாவுக்கு தமிழில் ஏராளமான பட வாய்ப்புகள் வந்து குவிகின்றனவாம். ஹெலன் என்ற தனது ஒரிஜினல் பெயரை தமிழுக்காக ஓவியா என மாற்றிக் கொண்டிருக்கும் ஓவியா, களவாணி படத்தில் கிராமத்து பெண்ணாகவே வாழ்த்திருந்தார்.

அவரது நடிப்பு ரசிகர்களை மட்டுமல்லாது, தமிழ் சினிமா பிரபலங்கள் பலரையும் கவர்ந்து விட்டது. விளைவு… ஓவியாவின் கால்ஷீட் கேட்டு சிலபல தயாரிப்புகள் தூது விட்டிருக்கிறார்கள். கிடைத்த வாய்ப்புகளையெல்லாம் பயன்படுத்துவதை விட… களவாணி மாதிரியான நல்ல கதையம்சம் கொண்ட படத்தில் மட்டுமே நடிப்பேன் என்று வழக்கமாக ஹிட் நாயகிகள் சொல்லும் அதே டயலாக்கை சொல்லி வரும் அவர், செவனு என்ற படத்தில் மட்டுமே கமிட் ஆகியிருக்கிறாராம்.

அமன் என்ற புதியவர் நாயகனாக நடிக்கும் இப்படத்தை ஜீவன் இயக்குகிறார். முதல் படத்தில் கிராமத்து ஓவியமாக வலம் வந்த ஓவியா, இப்படத்தில் மாடர்ன் மங்கையாக நடிக்கவுள்ளார்.

இந்த படமும் தனக்கு நல்ல வெற்றியை கொடுக்கும் என நம்புவதாக கூறும் ஓவியா, நிரந்தரமாக சென்னையில் குடியேறும் திட்டத்திலும் இருக்கிறாராம்.