சென்னை பாக்ஸ் ஆபிஸ்

5. பலே பாண்டியா
சித்தார்த் இயக்கியிருக்கும் இப்படம் மூன்று வாரங்கள் முடிவில் 46 லட்சங்களை மட்டுமே வசூலித்துள்ளது. இதன் சென்ற வார இறுதி மூன்று நாள் வசூல் ஏறக்குறைய ஒரு லட்சம் மட்டுமே.

4. துரோகி
ஸ்ரீகாந்த், விஷ்ணு நடித்த இந்தப் படம் இரண்டு வாரங்களில் 42 லட்சத்தை வசூலித்துள்ளது. இதன் சென்ற வார இறுதி வசூல் 5 லட்சங்கள்.

3. வந்தே மாதரம்
மம்முட்டி, அர்ஜுன் என இரு ஸ்டார்கள் நடித்திருந்த இப்படம் முதல் வாரத்தில் 32 லட்சங்களை வசூலித்துள்ளது. இதன் சென்ற வார இறுதி வசூல் சுமார் 7 லட்சங்கள்.

2. நான் மகான் அல்ல
தொடர்ந்து அதே இரண்டாவது இடத்தில் நான் மகான் அல்ல. ஐந்து வாரங்களில் 4.47 கோடிகள் வசூலித்த இந்தப் படம் சென்ற வார இறுதியில் 9.1 லட்சங்களை வசூலித்துள்ளது.

1. பாஸ் என்கிற பாஸ்கரன்
மீண்டும் அதே முதலிடத்தில் பாஸ் என்கிற பாஸ்கரன். இரண்டு வாரங்களில் இந்த ‘நண்பே‌ண்டா’ 2.97 கோடிகளை வசூலித்துள்ளான். இதன் சென்ற வார இறுதி வசூல் 55.6 லட்சங்கள்.

வரும் வெள்ளிக்கிழமை எந்திரன் வெளியாவதால் பாக்ஸ் ஆஃபிஸ் அப்படியே தலைகீழாக மாற வாய்ப்புள்ளது.