என்ன சொல்றார் சிம்பு? கேட்கிறார் லேகா!

சிம்புவால் சிலம்பாட்டம் படத்தில் இருந்து நடிப்பு வரவில்லை என வம்பு பேசி ரீஜெக்ட் செய்யப்பட்ட நடிகை லேகா வாஷிங்டனுக்கு தற்போது சுக்ர திசை போலும்.

தொலைக்காட்சி தொகுப்பாளினியாக தன் கேரியரை தொடங்கிய அம்மணி, ஜெயங்கொண்டான் படத்தின் மூலம் தமிழ் சினிமாவில் எண்ட்ரி ஆனார். சிம்புவின் வதந்தியால் தமிழில் எதிர்பார்த்த வாய்ப்புகள் கிட்டாத போதிலும், பாலிவுட்டில் பலே நடிகையாகி விட்டார் அம்மணி.

ராஜ்குமார் சந்தோஷ் இயக்கத்தில் மூன்று இந்திப் படங்களில் நடித்து வரும் லேகா, தமிழில் தயாநிதி அழகிரி வாங்கி, விரைவில் வெளியிடவுள்ள குவாட்டர் கட்டிங் படத்திலும் நாயகியாக நடித்திருக்கிறார்.

மேலும் கமலின் புதிய படமொன்றிலும் நாயகியாக நடிக்கவிருக்கிறார் என்பது குறிப்பிடத் தக்கது.

இப்போ என்ன சொல்லப் போறீங்க சிம்பு? என்று கேட்கிறார் லேகா!