யுத்தம் செய்

ஏ.ஜி.எஸ். பட நிறுவனம் சார்பில் கல்பாத்தி அகோரம் தயாரிக்கும் படம் யுத்தம் செய்.

இதில் சேரன் நாயகனாகவும், தீபாஷா நாயகியாகவும் நடிக்கின்றனர். மிஷ்கின் கதை, திரைக்கதை, வசனம் எழுதி இயக்குகிறார்.

படம் பற்றி அவர் சொல்கிறார்.

நகரில் தொடர் கொலைகள் செய்யும் குற்றவாளிகளை கண்டுபிடிக்கும் புலனாய்வு கதை. சேரன் சி.பி.சி.ஐ.டி. அதிகாரியாக வருகிறார். அவருக்கு முதல் ஆக்ஷன் படம். வித்தியாசமான பரிமானம் காட்டியுள்ளார்.

பயிற்சி எடுத்து ஒரு சண்டைக்காட்சியிலும் நடித்துள்ளார். இது திரில்லர் படம். கொலை நிகழ்வுகளும் கொலையாளிகளை போலீஸ் தேடுவதும் விறுவிறுப்பாக இருக்கும். நீது சந்திரா ஒரு குத்துப் பாட்டுக்கு ஆடுகிறார்.

வேறு பாடல்கள் இல்லை. குற்றம் செய்பவர்களுக்கு இப்படம் பயத்தை ஏற்படுத்தும். குடும்பத்தோடு பார்க்கிற படமாக இருக்கும். ரஜினி படத்தை பார்த்து பாராட்டியது சிறப்பு அம்சம்.

இசை: கே, ஒளிப்பதிவு: சத்யா, நடனம்: பாண்டி, எடிட்டிங்: காஹின், ஸ்டண்ட்: ஆக்ஷன் பிரகாஷ்.