விவேக்கின் விவகார வேடம்

விவகாரமான வேடங்களில் நடித்து பிரச்சனையில் மாட்டிக் கொள்வதொன்றும் விவேக்குக்குப் புதிதல்ல. சமீபத்தில் வெளியான உத்தமபுத்திரன் படத்தில் இவர் பேசிய வசனம் சர்ச்சைக்குள்ளானது நினைவிருக்கும்.

சீடன் படத்தில் போலி சாமியாராக வருகிறாராம் விவேக். மலையாளத்தில் இந்த வேடத்தை ஜெகதி ஸ்ரீகுமார் செய்திருந்தார். ஹீரோயின் வேலை பார்க்கும் வீட்டில் தங்கியிருக்கும் இவர் இரவானால் இளம் பெண்களுடன் கும்மாளம் அடிப்பார். கிளைமாக்ஸில் ஹீரோ, ஹீரோயின் திருமணத்தை எதிர்க்கும் ஹீரோவின் உறவினர்களை மிரட்டும் கௌரவ நடிப்பும் உண்டு.

இந்த வேடத்தைதான் விவேக் சீடனில் செய்திருக்கிறார். போலிச் சாமியாராக வருவதால் ஃப்ளோவில் சில வசனங்களை பேசியிருக்கிறாராம். பிரச்சனை வராமல் இரு‌க்க வேண்டும் என்கிறார்கள் யூனிட்டில்.